Tengrinews.kz / Marjan Kýandykova_
Astanadaǵy LRT tireýleriniń boıaýy qabyrshaqtanyp, sypyrylyp túse bastady
Astanadaǵy jeńil relsti kólik (LRT) jelisiniń tireýlerindegi boıaýdyń sypyrylyp túsýine baılanysty qala turǵyndary alańdaýshylyq bildirdi. Bul jaǵdaıǵa City Transportation Systems (CTS) kompanıasy túsinikteme berdi.
Bul týraly Infohub.kz aqparat agenttigi habarlaıdy.
Jyldar boıy kútken LRT-nyń jaǵdaıy
Ótken jyldyń mamyr aıynda LRT jelileriniń astyndaǵy aýmaqty abattandyrý jumystary bastalǵan bolatyn. Sol kezde tireýler boıalyp, aınalasyna aǵashtar otyrǵyzyldy. Alaıda, bir jylǵa jetpeı jatyp, jańa konstrýksıalardyń boıaýy qabyrshaqtanyp, sypyrylyp túse bastaǵany baıqaldy.
CTS kompanıasynyń jaýaby
CTS kompanıasynyń málimetinshe, qys mezgilinde tireýler men estakada elementterin boıaý jumystary toqtatylǵan. Aýa raıy jylyna bastalysymen jumystar jalǵastyrylyp, aıaqtalady dep josparlanýda.
Kompanıa LRT jelisiniń jalpy uzyndyǵy 22,4 shaqyrym ekenin eske saldy. Aıta keteıik, LRT jelisiniń synaq paıdalanýy bastalǵanyna alty aıdaı ýaqyt boldy. Astana ákimdiginiń habarlaýynsha, jobany iske asyrý kestege saı júrip jatyr jáne jolaýshy tasymalyn osy jyldyń kókteminde iske qosý josparlanǵan.
-
Izvestnaıa pevısa Kamshat Joldybaeva vpervye rasskazala o prıchınah svoego ýhoda so seny ı podelılas planamı na býdýshee.
-
Residents notice peeling paint on newly decorated Astana LRT pillars, raising questions about durability and maintenance. City Transportation Systems provides an explanation.
