InfoHub Logo

Astana turǵyndaryn osy qystyń eń sýyq jumys aptalarynyń biri kútip tur. Aqpannyń 23-i men 27-i aralyǵynda astanada boran, qatty jel jáne -36 gradýsqa deıin jetetin aıaz bolady. Temperatýra kúrt ózgeredi, aptanyń basy ásirese qıynǵa soǵady.

Bul týraly Infohub.kz aqparat agenttigi habarlaıdy.

Aptanyń birinshi jartysy

Dúısenbi, 23 aqpan

Túnde jáne kúndiz termometr baǵany -15…-17 gradýsty kórsetedi. Birqalypty bultty bolyp, ýaqytymen qar jaýyp, boran soǵady. Soltústik batystan soǵatyn jel 9-14 m/s deıin kúsheıip, ekpini 15-20 m/s jetýi múmkin. Bul sýyqtyń áserin kúsheıtedi.

Seısenbi, 24 aqpan

Aýa raıy kúrt nasharlaıdy. Túnde temperatýra -31…-33 gradýsqa deıin tómendeıdi. Jaýyn-shashyn bolmaıdy, biraq tuman túsýi yqtımal. Kúndiz aıaz sál báseńdep, -25…-27 gradýs bolady.

Aptanyń ekinshi jartysy

Sársenbi, 25 aqpan

Bul kún aptadaǵy eń sýyq kún bolmaq. Túnde temperatýra -34…-36 gradýsqa deıin tómendese, kúndiz -20…-22 gradýs bolady. Jaýyn-shashyn bolmaıdy, biraq aıaz turaqty saqtalady.

Beısenbi, 26 aqpan

Túnde -27…-29 gradýs, kúndiz -15…-17 gradýs bolady. Jaýyn-shashyn kútilmeıdi, biraq jel 9-14 m/s deıin kúsheıedi.

Juma, 27 aqpan

Aıaz birtindep seıile bastaıdy. Túnde -22…-24 gradýs, kúndiz -11…-13 gradýs bolady. Jaýyn-shashyn bolmaıdy, biraq sýyq saqtalady.

Elorda turǵyndaryna dalada uzaq ýaqyt júrýdi shekteý jáne saıahat josparlaǵanda aýa raıy jaǵdaıyn eskerý usynylady.