InfoHub Logo

QR Bilim jáne ǵylym mınıstri Asqat Aımaǵambetov muǵalimder qaýymyn Ustazdar kúnimen quttyqtady.

«Qymbatty áriptester! Sizderdi kele jatqan tól merekelerińizben, kásibı merekelerińizben shyn júrekten quttyqtaımyn. Uly aǵartýshy pedagog Ybyraı Altynsarın: «Men úshin jaqsy muǵalim bárinen de qymbat. Óıtkeni ol — mekteptiń júregi», — degen eken. Bizde ár túrli záýlim mektepter, záýlim ǵımarattar, qurylǵylar bolýy múmkin. Biraq bizge, eń bastysy, óz jumysyn súıetin jáne jan-jaqtan qorǵalǵan muǵalimder qajet», — dedi mınıstr.

Asqat Aımaǵambetov ózi basqaratyn vedomstvonyń muǵalim múddesin qorǵaý jolynda ári qaraı da tynbaı jumys isteıtinin aıtady.

«Memleket basshysynyń úlken qoldaýynyń arqasynda zań qabyldandy, qazir úlken jumys júrgizilip jatyr. Sizderdi osy merekemen quttyqtaı otyryp, qajymas qaırat, shyǵarmashylyq tabys tileımin. Denderińiz saý bolsyn! Óz-ózderińizdi árdaıym qoldap júrińizder. Kóńil kúılerińiz árqashan kóterińki bolsyn. Merekelerińiz qutty bolsyn!», — dedi Bilim jáne ǵylym mınıstri.

---