InfoHub Logo

Balalardyń eGov-taǵy jazbalary ata-analardy tańǵaldyrdy

Balalardyń eGov-taǵy jazbalary ata-analardy tańǵaldyrdy. Ne boldy? Nelikten bul mańyzdy?

Mektep oqýshylarynyń ata-analary eGov qosymshasynyń «Bilim» bóliminde balalardyń qosymsha sabaqtarǵa jazylýyna qatysty sáıkessizdikterdi baıqady. Astana qalasynyń bilim basqarmasy men «Ulttyq aqparattyq tehnologıalar» AQ baspasóz qyzmeti jaǵdaıǵa qatysty túsinikteme berdi.

Bul týraly Infohub.kz aqparat agenttigi habarlaıdy.

Ne boldy?

Threads áleýmettik jelisinde ata-analardyń biriniń jazbasy 46 myńnan astam qaralym jınady. Jarıalanymda ol eGov qosymshasynyń «Bilim» bólimine kirip, balasynyń shyn máninde barmaıtyn fortepıano úıirmesine barady degen aqparatty kórgenin aıtty.

Jazba avtory mundaı derekter qalaı qalyptasady degen suraq qoıyp, basqa qoldanýshylardan balalary qandaı úıirmelerge «jazylǵanyn» surady.

Pikirlerde qoldanýshylar uqsas oqıǵalarmen bólise bastady. Ata-analar óz balalarynyń shyn máninde barmaıtyn sabaqtar kórsetilgenin jazdy. Kópshiligi mundaı málimetter qaıdan alynǵanyn jáne olardy túzetýge bola ma, joq pa, sony bilgisi keldi.

«UAT» AQ jaýaby

Kompanıa mobıldi qosymshada Bilim berý týraly málimetterdi alýǵa bolatyn «Bilim» servısi bar ekenin habarlady, onyń ıesi jáne ákimshisi – QR Aǵartý mınıstrligi.

«Bilim servısinde kórsetilgen barlyq derekter men málimetter tek QR Aǵartý mınıstrliginiń aqparattyq júıelerinen qalyptastyrylady jáne júkteledi. eGov mobile qosymshasy memlekettik sıfrlyq servısterdiń vıtrınasy qyzmetin atqarady jáne ýákiletti memlekettik organdar usynatyn bastapqy derekterdi jınaýdy, ózgertýdi nemese saqtaýdy júzege asyrmaıdy», - dep habarlady baspasóz qyzmeti.

Astana qalasy bilim basqarmasynyń jaýaby

Biz jaǵdaıǵa qatysty túsinikteme alý úshin Astana qalasynyń bilim basqarmasyna da júgindik. Bizge bul júıe mektepterde oqıtyn oqýshylardyń qandaı úıirmelerge jáne seksıalarǵa baratyny týraly málimetterdi kórsetetinin naqtylady.

«Birqatar jaǵdaılarda mektep ákimshilikteriniń Ulttyq bilim berý derekter bazasyndaǵy aqparatty ýaqtyly jańarmaýy saldarynan júıede oqýshylar buryn barǵan úıirmeler men seksıalar týraly málimetter saqtaldy, bul sáıkessizdikterge ákeldi», - dep habarlady basqarmadan.

Vedomstvonyń málimetinshe, barlyq bilim berý uıymdaryna tıisti habarlamalar jiberildi jáne Ulttyq bilim berý derekter bazasyndaǵy derekterdi jańartý jumystary júrgizilýde.

«Derekterdi kórsetýdegi uqsas qateler eGov portalynda da basqa aımaqtarda bar ekenin atap ótken jón», - dep qorytyndylady basqarma.

Sonymen qatar, biz salalyq mınıstrlikten túsinikteme suradyq, biraq jarıalanǵan sátte jaýap almadyq.