«Ata-anasy vaksına almaǵan oqýshylar mektepke kirmeıdi»: Aqparatqa túsinik berildi
Elorda mektepteriniń biriniń ata-analar chatynda vaksına almaǵan ata-analardyń balalary mektepke kirgizilmeıtini týraly aqparat tarady. Buǵan qatysty qalalyq Bilim basqarmasy túsinik berdi.
«1 qyrkúıekten bastap balalar mektepke barady. Ata-anasy vaksına almaǵan balalardy mektepke kirgizbeıdi. Ata-analardyń bárin vaksına alýǵa shaqyryńyzdar», — delingen WhatsApp arqyly taraǵan málimette.
Nur-Sultan qalasy Bilim basqarmasynyń baspasóz qyzmeti bul málimettiń feık ekenin málimdep otyr.
«Nur-Sultan qalasynda oqý jylyn dástúrli formatta bastaý josparlanýda. Ata-anasy vaksınasıa qabyldamaǵan bala 1 qyrkúıekte mektepke qabyldanbaıdy degen sheshim shyqqan joq», - dep jaýap berdi vedomstvodan.
Eske salsaq, 11 tamyzda ótken Úkimet otyrysynda Premer-Mınıstri Asqar Mamın Bilim jáne ǵylym, Densaýlyq saqtaý mınıstrlikterine, óńirlerdiń ákimdikterine jańa oqý jylynyń dástúrli formatta bastalatyndyǵyna baılanysty birqatar tapsyrma bergen bolatyn.
1 qyrkúıekte saltanatty qońyraý soǵý sharasy tek 1-synyp oqýshylary úshin ǵana ótedi. Al 2-11 synyptar tikeleı bekitilgen kabınetterge baryp, synyp saǵattaryna qatysady.
Bilim jáne ǵylym mınıstri Asqat Aımaǵambetov, sondaı-aq mektepterde engizilgen Ashyq qosymshasy kimderge qoldanylatynyn aıtty.
Barlyq bilim berý uıymdarynda qyzmetkerler men bilim alýshylar maska kıýge mindetti.
Mektepterde qosymsha aýysymdar uıymdastyrylady, úzilister ýaqyty ár ýaqytqa belgilenip, «1 synyp - 1 kabınet» júıesi iske qosylady.
Al jańa oqý jylynda 1 oqýshydan koronavırýs shyqsa búkil synyp qashyqtan oqytý formatyna kóshiriledi.
9 tamyzdaǵy jaǵdaı boıynsha, bilim mekemelerindegi pedagogterdiń 93,1 paıyzy koronavırýsqa qarsy vaksına alǵan.
You Might Also Like
