InfoHub Logo

Sabaqtyń taqyryby: Atameken – qut meken.
Sabaqtyń maqsaty:
1. El táýelsizdiginiń 21 - jyldyq merekesine oraı tarıhı derekter týraly bilimderin jetildirý;
2. Qoǵam múshesi retinde memleket aldyndaǵy jaýapkershilikterin damytý;
3. Eline, jerine, tiline degen súıispenshilik, maqtanysh, qurmet sezimderin qalyptastyra otyryp, oı qozǵaı bilýge baýlý.
Sabaqtyń túri: aralas sabaq.
Sabaqtyń ádisi: oı qozǵaý, pikirtalas, oıyn.
Kórnekilikteri: Qazaqstan Respýblıkasynyń rámizderi, kartasy, sýretter, «Tarıh - aqparat betterinde» (kitap sóresi)
Tehnıkalyq jabdyqtalýy: ınterbelsendi taqta.

Sabaqtyń barysy:
(Qurmanǵazynyń «Saryarqa» kúıi aqyryn oınap turady, ekrannan
qazaq jeri týraly sýretter kórine kórsetiledi )
Qaıyrly kún, balalar!
Biz - Qazaqpyz!
Esigi ashyq, tóri keń,
Jylap óttik jyldar ómir órinen.
Jeter endi, jelpineıik, qaraıyq,
Myna ómirge ıegerdiń kózimen.
Iá, jumyr jerdiń tynys - tirshiligin jiti baǵyp, onyń bar asyly men jasyǵyn tarıh tarazysyna salyp, zerdelegen uly kósh alǵa basyp barady. Bul ýaqyt kóshi, ómir kóshi. Osy tarıh kýá bolǵan bizdiń halqymyzǵa 20 - ǵasyr syılaǵan ǵalamat oqıǵa.....
- Balalar, bul qaı ǵalamat oqıǵa dep oılaısyńdar?
- Qazaqstan Respýblıkasynyń táýelsizdik alýy.
Muǵalim: Óte durys. Mine Qazaqstan halqy búginde dúbirli, maǵnaly mereke qarsańynda, bul qaı mereke?
- Qazaqstan Respýblıkasynyń Táýelsizdigine - 20 jyl tolyp otyr.
(ekrannan QR Táýelsizdigine - 20 jyl emblemasy oryn alady )
Muǵalim: Ras, Táýelsizdiktiń 21 jyldyǵyn biz erkin de erikti eldikte ótkizdik. 21 jyl ishinde elimizdi búkil álem tanyp, 130 - dan astam ult bir shańyraqtyń astynda tatý - tátti ómir súrýdemiz.
Ózińdiki eliń de, ózińdiki jeriń de.
Ózińdi óziń etpe bos, Táýelsizdik tórinde - dep jar salǵymyz keledi
Endeshe, Qazaqstan Táýelsizdiginiń - 21 jyldyq merekesine oraı ótkiziletin
«Atameken - qut meken...» atty tarıhı – tanymdyq sabaǵymyzdy bastaıyq.
(ekrannan QR kartasy, ústinde Atameken úlken áriptermen jazylyp shyǵady)
Muǵalim: Mine, balalar bizdiń keń baıtaq jerimiz, Asanqaıǵy babamyz aıtyp ketken, sýy - sút, topyraǵy - maı, qoınaýy – qazynaly, jeri kólem jaǵynan 9 - orynǵa ıe,
Atamekenimiz. Sabaǵymyzdy «Asosıasıa» oıyny arqyly bastasaq. Myna «Atameken» sózine qaraǵanda oılaryńa ne túsedi? Maqsat Elimizdiń baılyǵy men sulýlyǵyn, atamekenimizdi bizge amanat etip ketken babalarymyzdyń eren eńbegi, batyrlyǵy, qaısarlyǵy elesteıdi
Sezim Birikken Ulttar uıymyna múshe, NATO - nyń beıbitshilik saqtaý múshesi, Azıa,
Evropa elderiniń qaýipsizdik jáne ekonomıkalyq qaýymdastyq múshesi, álemde 100 - den astam elde elshiligi bar, 50 - den astam eldiń bizde elshiligi bar keń baıtaq Otanym, qaıratty da kúshti «Barys» elesteıdi. (ekranda barys sýreti kórsetiledi).
Tomırıs Altaıdan Kaspııge deıin jerdi alyp jatqan táýelsiz jerim. Qazaq eliniń kóginde jelbiregen kók baıraǵy aıbyndy Gımni, tuǵyrly Eltańbasy elesteıdi.
Dıas Elimizdiń qasıetti orny bolyp eseptelinetin astanadaǵy «Atameken» kesheni elesteıdi. (ekranda «Atameken» etnomemorıal kesheniniń sýretteri slaıd túrinde kórsetiledi.)
Muǵalim: Rahmet balalar! Oılaryń júırik, tilderiń jetik eken./Atameken kesheni týraly aıtý/ Jumysymyzdy ary qaraı jalǵastyramyz. Endi, Atameken sóziniń árbir áripine toqtalaıyq. (ekranda «A» áripi shyǵady) Qane, kim ne týraly oılap otyr?
5 - Oqýshy: «A» - Ata – baba. Ata - babamyz ótken jol elesteıdi. «Ata - babasyn syılamaý azǵyndyqtyń belgisi» - dep Ǵabıden Mustafın atamyz aıtqandaı, ár kez ata dástúrin saqtaıtyn, ata - anasynyń abyroıy, ary bolatyndaı «Azamat» bol dep turǵandaı.
Nazerke: Atadan jaqsy ul týsashy - dep turǵandaı elimizdiń bir týar perzentteri Abylaı, Abaı - dep turǵandaı.
Muǵalim: Endi kishkene ǵana «Sergitý sátin» ótkizip jiberelik. Sergitý sátinde «Sózdiń kórki maqal» demekshi maqal – mátel aıtyp saıysaıyq. Bireýimiz bastaımyz, ekinshimiz aıaqtaımyz.
1. Atańnyń balasy bolma, adamnyń balasy bol.
2. Ata kórgen oq jonar, sheshe kórgen ton pisher.
3. Aǵadan aqyl, atadan naqyl.
4. Otan úshin otqa tús, kúımeısiń.
5. Pálen jerde paıda bar, óz jerińdeı qaıda bar.
6. Týǵan jerdiń jeri de kórikti, eli de súıikti.
Muǵalim: Rahmet balalar! Álipbıdiń basynda turatyn «A» áripi týraly oılaryńyz mándi de maǵnaly eken.
Ata – babalarymyz ótken joldy eske túsirsek, Ne degen darhan el, ne degen tózimdi el, ne degen batyr da batyl meniń elim!» - dep kóńiliń kókke kóteriledi.
Endi «T» áripi týraly oılanaıyq. (ekranda «T» áripi shyǵady)
7 - oqýshy: «T» - Táýelsizdik. 1991 jyl, 16 - jeltoqsanda Qazaqstan «Táýelsiz» Respýblıka bolyp jarıalanǵandyǵy oıǵa oralady. Jańa ǵana ózimiz aıtyp ótken ata - babalarymyzdyń oı - armany, bizge «Táýelsizdik» tańy bolyp jetkendigi túsedi.
8 - oqýshy: «T» - Teńge. (ekranda teńgeler kórsetiledi)
1993 jyly qarasha aıynda aınalymǵa táýelsiz elimizdiń ulttyq valútasynyń engizilýi. Teńge – asyl qazyna, halyqtyń baılyǵy, el eńbegi.