Qosh!
Dep qanat qaǵady qustar maǵan.
Qosh!
Dep meni qushaqtap, qushqan dalam.
Amanattap bireýge jatyr meni:
- Amanat-dep,- uıamnan ushqan balam.
Gúlder-daǵy qoshtasyp, qıylyp qur,
Qosh aıtady taldar da ıilip bir.
Here bári qoshtasty menimenen,
Qandaı taǵdyr aldymda buıyryp tur?!
Hege kólder qoshtasyp, shaıqalady?!
Qosh, qosh degen jańǵyryq qaıtalady.
Salbyraǵan taýlardyń qabaǵynan
Bir keıistik, bilmeımin, baıqalady.
Barlyǵy da qoshtasyp erikti alar,
(Qoıshy, bári ánsheıin jelik bolar...)
Telegraf symdary yńyldaıdy,
Jatqandaıyn sýyq bir berip habar.
Qarsy aldymnan qara jol qarsy aǵady,
Búkil ólke qoshtasyp jar salady.
Attanyp ketip baram áldeqaıda,
Qandaı taǵdyr, bilmeımin,
Qarsy alady?!

---