InfoHub Logo

Atyraý oblysyndaǵy polısıa basshylarynyń birnesheýi tekserýden keıin qyzmetterinen bosatyldy. Bul týraly Infohub.kz aqparat agenttigi habarlaıdy.

Óńirdegi polısıada «tazalaý» júrgizilip jatqany týraly jergilikti BAQ-tar habarlady. Astanadan kelgen tekserý aıasynda oblystyq polısıa departamentiniń birneshe basshysy qyzmetinen aıyrylǵan.

İshki ister mınıstrliginiń málimeti

İshki ister mınıstrliginiń baspasóz qyzmeti bul aqparatty rastap, birneshe basshy qyzmetinen shettetilgenin habarlady. Mınıstrliktegiler josparly qyzmettik tekserýlerdiń turaqty negizde júrgiziletinin atap ótti.

«Qyzmettik-áskerı tártipti óreskel buzǵany, jumysty uıymdastyrýda tıisti baqylaýdyń bolmaǵany anyqtalǵandyqtan, İshki ister mınıstriniń buıryǵymen Atyraý polısıa basqarmasynyń bastyǵy, sondaı-aq Atyraý oblystyq polısıa departamentiniń jeke qaýipsizdik basqarmasy men esirtki qylmysyna qarsy is-qımyl basqarmasynyń basshylary qyzmetterinen bosatyldy», - delingen mınıstrliktiń habarlamasynda.

Buǵan deıin İshki ister mınıstri vedomstvoda zańdylyq pen qyzmettik tártipti qamtamasyz etý boıynsha, sonyń ishinde óz qatarlarynda da qaǵıdatty jumys júrgizilip jatqanyn atap kórsetken bolatyn.