InfoHub Logo

Atyraýda munaı qaldyqtarynyń ashyq tógilýi jurtty alańdatty

Atyraý oblysynyń Maqat aýdanynda 13 myń tonna munaı qaldyǵy ashyq jerge tógilgeni belgili boldy. Jergilikti turǵyndar bul jaǵdaıǵa alańdap, qaldyqtar Saǵyz ózenine aǵyp ketse, ekologıalyq apat oryn alýy múmkin ekenin aıtýda.

Lastanǵan aýmaq 2 gektardy quraıdy. Jer telimi ákimdikke tıesili bolǵanymen, ol jeke kompanıaǵa jalǵa berilgen. Alaıda kompanıa ekologıalyq talaptarǵa saı óńdeý qurylǵylaryn ornatpaǵan.

Atyraý oblystyq ekologıa departamenti atalǵan kólemdegi munaı qaldyǵynyń zańsyz jınalǵanyn anyqtap, kompanıaǵa 37 mıllıard teńge kóleminde aıyppul salǵan. Jergilikti jurtshylyq baqylaýdyń álsizdigi men mundaı zańbuzýshylyqtarǵa qarsy sharalar der kezinde qabyldanbaǵanyn synǵa alýda.