Photo: Luis del Río (https://www.pexels.com/@luisdelrio) / Pexels
Atyraýda qaıyn jurtyn qyryp tastaǵan kúdiktige qatysty jańa derekter jarıalandy
Atyraý oblysy Jangeldın aýylynda bir otbasynyń tórt múshesiniń ólimine qatysty kúdiktige ilingen 29 jastaǵy Sultan Sársemalıev eki aıǵa qamaýǵa alyndy.
Bul týraly Infohub.kz aqparat agenttigi habarlaıdy.
Atyraý qalalyq mamandandyrylǵan tergeý sotynyń sheshimimen kúdiktige qatysty eki aı merzimge qamaýǵa alý túrindegi bultartpaý sharasy taǵaıyndaldy. Ol tergeý ızolátoryna jetkizilip, asa aýyr qylmys jasady dep aıyptalǵandarǵa arnalǵan arnaıy kameraǵa ornalastyryldy.
Qylmystyń mán-jaıy
Tergeý derekteri boıynsha, Sársemalıev Atyraý oblysyndaǵy bir otbasynyń tórt múshesin óltirdi degen kúdikke ilingen. Qaza tapqan erli-zaıyptylardyń máıitteri óz úıleriniń aýlasyndaǵy saraıdan tabylǵan. Al olardyń uly men qyzynyń denesi kúdikti buryn jaldap turǵan Geolog yqshamaýdanyndaǵy úıdiń aýlasynan shyqqan.
Halyqaralyq izdeý
Quqyq qorǵaý organdarynyń málimetinshe, Sultan Sársemalıev buǵan deıin Indonezıada ustalyp, keıin Qazaqstanǵa jetkizilgen. Onyń janynan marqumdarǵa tıesili jeke kýálikter, bank kartalary jáne uıaly telefon tabyldy.
Qazirgi ýaqytta is boıynsha sotqa deıingi tergeý jalǵasyp jatyr. Tergeýshiler oqıǵanyń barlyq mán-jaıyn anyqtaýda.
-
Kazahstan ojıdaet peremenchıvaıa pogoda 25 marta: ot vesennego tepla na ıýge do nochnyh zamorozkov na severe.
-
A 29-year-old man, suspected of killing four family members in Atyrau, has been arrested and extradited from Indonesia.
