InfoHub Logo

Atyraýda kolonıada qaza tapqan 51 jastaǵy Dabyl Ý.-nyń janaza namazyna júzdegen adam jınaldy. Kópshiliktiń onyń qandaı qylmys jasap sottalǵanyn bilmegeni aıtylýda.

Bul týraly Infohub.kz aqparat agenttigi habarlaıdy.

Eske sala keteıik, 22 naýryzda Atyraýdaǵy mekemede sottalýshylar arasynda bolǵan tóbeles saldarynan bir adam qaza tapty. Bul oqıǵa boıynsha qylmystyq is qozǵaldy.

Qaza tapqan azamat týraly

Qaza tapqan Dabyl Ý. 51 jasta bolǵan. Qasiretti oqıǵa onyń týǵan kúninde bolǵan.

Marqumnyń janaza namazy 25 naýryzda qalanyń ortalyq «Imanǵalı» meshitinde ótti. Kýágerlerdiń aıtýynsha, janazaǵa júzdegen adam qatysqan. Sondaı-aq, janazaǵa qala ákimdiginiń qyzmetkerleri men qadaǵalaý organynyń ókilderi de kelgen.

Namazdan keıin qaladaǵy úlken toıhanalardyń birinde as berildi. Keıinnen máıitti týyp-ósken jeri Jylyoı aýdany Qulsaryǵa jetkizip, sol jerde jerlengen.

Sot úkimi

Dabyl Ý. QR QK-niń 121-baby 4-bóligi (Kishkentaı balany zorlaý) jáne 124-baby 4-bóligi (Kishkentaı balardy azdyrý) boıynsha sottalǵan. İste jábirlenýshi retinde onyń ógeı ákesi bolǵan bes jáne segiz jastaǵy eki qyz kórsetilgen. Sot ony 25 jylǵa bas bostandyǵynan aıyrýǵa úkim etken.

Derekkózderdiń habarlaýynsha, janazaǵa kelgenderdiń kóbi marqumnyń buryn qandaı qylmystar úshin sottalǵanyn bilmegen.