InfoHub Logo

Atyraýda ózin «haker» dep tanystyryp, alaıaqtyqpen aınalysqan azamatqa halyqaralyq izdeý jarıalandy. Bul týraly Atyraý oblystyq polısıa departamenti málimdedi.

Bul týraly Infohub.kz aqparat agenttigi habarlaıdy.

Polısıanyń habarlaýynsha, 2025 jyldyń sáýir aıynda alaıaqtyq deregi boıynsha tórt azamattan aryz túsken. Osy aryzdar negizinde qylmystyq is qozǵalyp, tergeý bastalǵan. İs tórt epızodtan turady. Alaıda, bul qylmystyq istiń Qyzylqoǵa aýdanyndaǵy Jangeldın aýylynda joǵalǵan otbasynyń jaǵdaıyna eshqandaı qatysy joq ekeni atap ótildi.

Kúdikti azamat 2025 jyldyń sáýir aıynda Qazaqstannan shyǵyp ketken. Ol áleýmettik jelilerde óziniń «tergeýin» jarıalaı bastaǵan kezde shetelde bolǵan.

Joǵalǵan otbasy isi

Esterińizge sala keteıik, 2025 jyldyń kúzinde Jangeldın aýylynda bir otbasynyń tórt múshesi iz-tússiz joǵalǵan bolatyn. Keıin úı aýlasynan erli-zaıyptynyń máıitteri tabylyp, balalary áli kúnge deıin izdestirilip jatyr. Bul qylmysqa qatysty 29 jastaǵy kúıeý bala – Sultan Sársemálıevke izdeý jarıalanǵan edi. Polısıa kúdiktiniń ornalasqan jeri anyqtalǵanyn jáne jaqyn arada ustalatynyn habarlady.