InfoHub Logo

Atyraý oblysynda iz-tússiz joǵalǵan otbasyǵa qatysty jańa derekter paıda boldy. Bul oqıǵa qoǵam nazaryn aýdartyp otyr.

Bul týraly Infohub.kz aqparat agenttigi habarlaıdy.

İzdestirý sharalary jalǵasýda

Atyraý oblysy prokýrorynyń aǵa kómekshisi Nurbolat Sultanovtyń aıtýynsha, qylmystyq is oblystyq polısıa departamentiniń óndirisinde jáne prokýratýranyń qatań baqylaýynda tur.

"Qazirgi ýaqytta jedel-izdestirý sharalary júrgizilip jatyr. Qylmystyq-prosestik kodeksiniń 201-babyna saı ózge aqparat jarıalanbaıdy. QR Konstıtýsıasynyń 77-babynyń 3-bóligi, 1-tarmaǵyna sáıkes zańdy kúshine engen sot úkimi shyqqansha adam kináli emes dep esepteledi. Áleýmettik jelilerde túrli aqparat tarap jatyr. Sol aqparattarǵa senbeı, tek resmı aqparatqa súıense eken dep aıtyp jatyrmyn", – dedi Nurbolat Sultanov.

Aýa raıy kedergi keltirdi

Prokýratýra ókili kúdikti men marqumdardyń balalaryn izdestirý jumystary áli de jalǵasyp jatqanyn habarlady. "İzdestirý jumystary jalǵasýda. Toqtamaıdy da. Qyzylqoǵa aýdanynda aýa raıynyń kúrt ózgerip, qardyń qalyń jaýýy men muzdyń qatýyna baılanysty Tótenshe jaǵdaılar departamenti izdestirýdi ýaqytsha toqtady. Jaqyn arada jalǵasyn tabady. Alaıda kúdiktini jáne habar-osharsyz ketken marqumdardyń balalaryn izdestirý toqtaǵan joq. Qosymsha aqparat beriledi", – dedi Nurbolat Sultanov.