InfoHub Logo

Atyraý oblysynda oryn alǵan qandy oqıǵaǵa qatysty jańa derekter shyqty. Jýrnalıs Gúlmıra Ábiqaı bul týraly óz pikirin bildirdi.

Bul týraly Infohub.kz aqparat agenttigi habarlaıdy.

Jýrnalısiń pikiri

Belgili jýrnalıs Gúlmıra Ábiqaı YouTube-tegi "Alash Orda" arnasyna bergen suhbatynda Atyraý oblysyndaǵy rezonansty oqıǵaǵa qatysty pikirin bildirdi. Jýrnalısiń aıtýynsha, tipti marqumdardyń eń jaqyn týystarynyń biri Ásılá Muqanǵalıevanyń ózi kúdikti retinde atalyp júrgen Sultannyń syrt kelbeti men minez-qulqyn naqty sıpattaı almaıdy.

"Sultannyń túrin bárimiz fotorobottan kórdik qoı. Al Ásılá apaı "Ol eshqashan bizben birge otyrysta bolǵan joq. Alǵashynda alyp qashyp ketken soń quda bolyp bir-aq ret keldi, odan keıin aralaspadyq", – deıdi ol. Men "Qudaǵıyńyz sizderdi kinálap jatyr ǵoı" desem, "Biz baraıyq" desek, Aqbaıan "Kelmeńder, kelmeńder" dep aıtatyn. Shynyn aıtsaq, qyzymyzdy tórtinshi balasyn bosanǵan kezde bir-aq ret kórdik. Al besinshi balasyn bosanǵanyn tipti kórmedik. Sebebi Aqbaıan "Kelmeńder, enem men Sultan solaı aıtty" dep jolatpady", – deıdi. Álbette, Aqbaıannyń ózi solaı aıtqan soń, qyzdyń tórkini jaqyndamaǵan. Bir qyzyǵy, eń jaqyn týystarynyń ózi kúıeý balasynyń túri qandaı ekenin esine saqtaı almaı, minezin bilmeı otyrsa, ony kórshileri men ózge adamdar qaıdan bilsin? Shynynda da, tomaǵa-tuıyq, eshkimmen aralaspaıtyn otbasy bolǵany aıtylady. Dál osyndaı otbasyna qatysty adamdar men ýchaskelik polısıa kúdikpen qaraýy kerek emes pe?" – deıdi ol.