InfoHub Logo

Atyraýdaǵy belgili haker ózine taǵylǵan aıyptaýlarǵa qatysty málimdeme jasady. Ol Interpol arqyly halyqaralyq izdeýde júrgenin, biraq bul qylmysqa qatysy joq ekenin aıtty.

Bul týraly Infohub.kz aqparat agenttigi habarlaıdy.

Hakerdiń málimdemesi

Hakerdiń aıtýynsha, eger ol habarsyz ketse, bul onyń Qazaqstanǵa ekstradısıalanǵanyn bildiredi. Ol eshkimdi óltirmegenin jáne Interpol arqyly izdeıtindeı qylmys jasamaǵanyn málimdedi.

Qarjylyq daý

Hakerdiń sózinshe, másele qarjylyq daýǵa baılanysty bolýy múmkin. Buryn aryzdanýshylarǵa "is toqtatyldy" degen habarlama kelgenimen, qaryz máselesi tolyq sheshilmegen.

"Meniń oıymsha, sebep osy qaryzǵa baılanysty bolýy múmkin, biraq buǵan da kúmánim bar. Sebebi buǵan deıin el ishinde júrgenimde de izdeýde bolǵanmyn. Sol kezde qaryzdardy jaýyp, maǵan suraq týyndamas úshin qarjy jınaý maqsatynda qor ashpaq boldym. Biraq qarajat jınalmady. Múmkin, basqa esepshot kórsetilgen soń adamdar senbegen shyǵar. Bári Allanyń qalaýymen. Eger jazmysh bolsa, odan qashyp qutyla almaısyń", – deıdi ol.