depositphotos.com
Avtokredıtterdiń suranysy azaıdy: Qazaqstandyqtar nege kólik alýdan bas tartýda?
Qazaqstan bankteri bıylǵy birinshi toqsanda avtokredıtke degen suranystyń azaıǵanyn baıqady. Bul týraly QR Ulttyq Bankiniń derekterine silteme jasap, Tengri Auto habarlady.
Bul jaǵdaıǵa avtosalondardyń nesıe sharttaryn burynǵydaı tıimdi usynbaıtyndyǵy sebep boldy. Sonymen qatar, jańa kólikterdiń baǵasy arzandaǵandyqtan, keıbir satyp alýshylar kólikti nesıesiz nemese azyraq somaǵa nesıe alyp satyp alý múmkindigine ıe boldy.
Nátıjesinde, avtokredıtke ótinimder sany ótken toqsanmen salystyrǵanda 20 paıyzǵa azaıyp, 1,2 mıllıonǵa jetti. Al ótinimderdiń ortasha mólsheri 12 paıyzǵa artyp, 7,2 mıllıon teńgege jetti.
2025 jyly avtokredıt berýdiń ósýi
Esterińizge sala keteıik, ótken jyldyń qorytyndysy boıynsha avtokredıtter berilgen kólem boıynsha ıpotekamen teńesken bolatyn. Qazaqstan qarjygerler qaýymdastyǵynyń derekterine sáıkes, qazaqstandyqtar 2,4 trıllıon teńgege avtokredıt rásimdegen. Bul 2024 jylmen salystyrǵanda shamamen 30 paıyzǵa artyq.
Buǵan deıin Qazaqstanda ıpoteka men nesıeler boıynsha jańa erejeler paıda bolatyny týraly habarlaǵan bolatynbyz.
Sondaı-aq oqyńyzdar: Qorqytyp, nesıe rásimdegen: Qazaqstanda avtokólikke qatysty iri sqema anyqtaldy.
-
The wife of renowned MMA fighter Shavkat Rakhmonov has made a surprising statement online regarding her husband's family and their child.
-
Demand for car loans in Kazakhstan has fallen significantly in the first quarter. Find out the key reasons behind this trend and what it means for the market.
