InfoHub Logo

Atyraý oblysy, Inder aýdany,
Qurylys aýyly, M. Móńkeuly atyndaǵy orta mektebiniń
bastaýysh synyp muǵalimi Gýlaım Týlegenova

Avtorlyq baǵdarlama

Túsinikteme
Baǵdarlamalyq materıaldarǵa matematıkalyq bilim, bilik daǵdylardy meńgerý úshin negiz bolyp tabylatyn logıkalyq bilimder júıesiniń engizilýi ózindik erekshelik bolyp tabylady. Matematıkalyq bilim men praktıkalyq áreketterdi meńgerý barysynda oılaý áreketteriniń damýy, shyǵarmashylyq múmkindikteri, tanymdyq qyzyǵýshylyqtarynyń damý jáne qalyptasý mindetteri sheshiledi.
Sabaqta jáne sabaqta tys ýaqytta matematıkalyq rebýstardy, sózjumbaqtardy sheshý, qyzyqty ázil esepterdi shyǵarý, logıkalyq jattyǵýlardy oryndaý balanyń aqyl - oıyn, qıalyn, oı - ushqyrlyǵyn damytýdyń birden - bir utymdy tásili.
Barlyq taqyryptar oqýshylardyń sabaqta alǵan bilimin tıanaqtaý, bekitýge negizdelgen.
Jańa baǵdarlamanyń mazmuny men qurylymy oqýshylardyń matematıka pánin jete meńgerip, logıkalyq oılaý qabiletin qalyptastyrýǵa yqpal etedi.
Baǵdarlama belgili bir oqý jylyna sáıkestendirilgen jáne taqyryptar boıynsha júıelengen.
Baǵdarlamada mektep oqýlyǵyndaǵy oryndalýy mindetti bolyp sanalmaıtyn damytýǵa baǵyttalǵan standartty emes jattyǵýlar keltirilgen.
Baǵdarlamalyq materıal oqýshylardyń óz bilimin tereńdetýge áser etedi, oqýshylar qabiletiniń meılinshe kemeldene túsýine múmkindik beredi.
Kýrstyq oqý josparyndaǵy 4 - synypqa jalpy - 34 saǵat (jyl boıy)
bólingen.

Kirispe
Qazirgi zamanǵy ǵylymı - tehnıkalyq úrdistiń qarqyny bilim berý júıesiniń aldyna úlken maqsattar men jańa mindetter kózdeıdi. Jas urpaqty jan - jaqty jetilgen, aqyl - parasatty, oı - órisi bıik, básekege qabiletti azamat etip tárbıeleý - qoǵamymyzdyń eń ózekti máselesi. Bul ár muǵalimniń shyǵarmashylyq izdenispen jumys isteýine qajet etedi.
Bastaýysh synyp oqýshylarynyń oılaý qabiletin damytýda matematıka sabaǵynyń árbir jumysy oı belsendiligin qajet etedi. Oqýshylardyń jas erekshelikterin, qabiletin, oı - órisin eskere otyryp, sabaq barysynda oqýshylardyń oılaý qabiletin jetildiretin jattyǵý jumystaryn júrgizýge kóp kóńil bólý kerek. Olar ár túrli matematıkalyq óleń esepter, sózjumbaqtar, matematıkalyq rebýstar, matematıkalyq dıktant, jumbaqtar jáne jańyltpashtar.
Muǵalim óz sheberligine baılanysty oqýshylardyń jas erekshelikterin eskere otyryp, deńgeılik tapsyrmalar tańdap alady. Onyń maqsaty oqýshy qabiletin baıqaý, ony ári qaraı damytý, ár oqýshy óz betimen jumys jasaýǵa daǵdylanyp, tapsyrmalardy kúrdelendirý barysynda oılaý qabiletin jetile túsedi.
Negizgi bólim
Tańdaý kýrsyna arnalǵan baǵdarlama
4 - synyp
Beıini: jaratylystaný - matematıka
Baǵdary: matematıka
Taqyryby: «Qyzyqty matematıka»
Maqsaty: matematıka áleminiń qyzyqty ekendigine kóz jetkize otyryp, shyǵarmashylyqpen jumys isteý. Tanym qabiletin arttyrý, logıkalyq oı - qıalyn damytý arqyly alǵyrlyqqa, uıymshyldyqqa, toppen jumys isteýge daǵdylandyrý, pánge degen qyzyǵýshylyǵyn arttyrý.
Mindeti:
• oqýshynyń bilimge degen senimin arttyrý
• shyǵarmashylyq qabiletin damytý
• logıkalyq tapsyrmalardyń ádis - tásilderin paıdalaný
• oqýshy yntasyn oıatý
• oqýshy boıynda bilim, bilik, daǵdy qalyptastyrý
• óz betinshe izdenýdi damytý

Oqýshylardyń biliktiligine qoıylatyn talaptar

• - Ár túrli matematıkalyq bilim kózderinen maǵlumat ala bilý
• - Matematıkalyq esepteýdiń bastapqy daǵdylaryn úırený
• - Matematıkalyq bilimdi kúndelikti ómirde paıdalana bilý
• - Intellektýaldyq oıyndar, konkýrstar, jarystar, olımpıadalarda jetistikterge jetýge umtylý
• - Óz betinshe esepterdi taldaý arqyly matematıkaǵa qyzyǵýshylyǵyn arttyrý

Pánaralyq baılanys: ana tili, beıneleý, ózin - ózi taný, dene shynyqtyrý
Baǵdarlamany júrgizý formalary: ıntellektýaldyq oıyn, logıkalyq esepter, qyzyqty esepter, test, deńgeılik tapsyrmalar, qaıtalaý sabaqtar.