depositphotos.com/ ventdusud
BAÁ atom elektr stansıasyna dron shabýylynan keıin órt shyqty
Birikken Arab Ámirlikterindegi (BAÁ) «Baraka» atom elektr stansıasyna (AES) dron shabýylynan keıin órt shyqty. Bul týraly el resmıleri habarlady.
Aqparatqa sáıkes, órt AES-tiń ishki perımetrinen tys, Al-Dafra aımaǵynda ornalasqan elektr generatorynda bolǵan. Oqıǵa ornyna Abý-Dabıdiń arnaıy qyzmetteri jedel jetti. Qaza tapqandar men zardap shekkender týraly aqparat joq.
BAÁ atomdyq retteý federaldyq basqarmasynyń málimetinshe, órt stansıanyń qaýipsizdigine nemese negizgi júıeleriniń jumysyna áser etpegen.
Halyqaralyq atom energıasy agenttigi (MAGATE) BAÁ bıligine silteme jasaı otyryp, shabýyldan keıin AES-tegi radıasıa deńgeıiniń qalypty shekte saqtalǵanyn málimdedi. MAGATE basshysy Rafael Grossı bul jaǵdaıǵa alańdaýshylyq bildirip, ıadrolyq qaýipsizdikke qater tóndiretin áskerı áreketterdi qabyldanbaıtynyn atap ótti.
BAÁ bıligi shabýyldyń shyqqan jerin anyqtap jatqanyn jáne mundaı «terorıstik shabýyldarǵa» jaýap berýge tolyq quqyly ekenin aıtty. BAÁ prezıdentiniń dıplomatıalyq keńesshisi bul jaǵdaıdy qaýipti eskalasıa dep atady.
Buǵan deıin, 5 mamyrda BAÁ Qorǵanys mınıstrligi zymyran jáne dron shabýyldaryna qarsy tolyq ázirlikte ekenin habarlaǵan bolatyn.
-
V Almaty sostoıalos zasedanıe redaksıonnoı kollegıı po podgotovke semıtomnogo ızdanıa ıstorıı Kazahstana, gde byl odobren shestoı tom.
-
A drone strike caused a fire near the Barakah nuclear power plant in the UAE, with authorities confirming no impact on safety and normal radiation levels.
