InfoHub Logo

Taqyryby: Babalar sózi – aqyldyń kózi
1 - oqýshy
Qurmetti qonaqtar! Mektebimizdiń 2 - qabatyndaǵy «Babalar zalyna» qosh keldińizder!
(mýzyka Qobyz úni)
2 - oqýshy
Qobyzdyń úni qazaq dalasyn kúńirentip babalar armanynan syr shertkendeı. Osy turǵan aqyn - jyraý jazýshylarymyzdyń rýhty eńbekteri, batyrlarymyzdyń eli úshin, jeri úshin qarý alyp, jaýǵa qarsy namysyn qaıraǵan edi.
3 - oqýshy
Egemendigimizdiń irgesin qalap, shaıqalmas shańyraǵyn kótergen, ata - baba úmitin aqtaý – bizdiń basty maqsatymyz.
4 - oqýshy
Búgingi kúnniń baqyty – bahadúr babalarymyzdyń jan júreginiń jalaýy etip ustanǵan basty maqsattarynyń júzege asqany.
5 - oqýshy
«Babalar zalynyń» tórinen oryn alǵan «bolashaqqa nyq senimmen» atty kitap Táýelsizdiktiń 20 jyldyq merekesine arnalǵan.
6 - oqýshy
Bul kitaptyń mańyzdylyǵy elimizdiń 20 jyldyq tarıhyndaǵy jetken jetistikteri men tabystaryn dáripteıtin oqıǵalar pash etildi.
7 - oqýshy
Elbasynyń abyz ómirden ańyz ómirge attaǵan bastamasyn qoldaýda mektebimizdiń de qol jetkizgen jetistikteri de aýyz toltyryp aıtarlyqtaı.
8 - oqýshy
Keshegi kúnsiz keleshek joq. Búgingi jas urpaqty sonaý zamandardan jınaqtalǵan ata - babalarymyzdyń mol murasymen sýsyndatý bizdiń mindetimiz. Uldyń batyr, qyzdyń ádepti bolyp qalyptasýy, babalar murasyna baılanysty. Demek, babalarymyzdyń ónege ósıetin paıdalana otyryp tárbıeleý ulttyq tulǵany qalyptastyrady.
9 - oqýshy
Qazaq danalarynyń urpaqtaryna qaldyrǵan ósıet sózderi bizge, halqymyzǵa rýh qosyp, birligimizdi jarastyryp otyr.
10 - oqýshy
Babalar salǵan dana jol, árkimge bolar sara jol,- demekshi ata - baba rýhy, óskeleń urpaq rýhy.
11 - oqýshy
Kóp jasaǵan qarıa
Aqyly teńiz - darıa.
Kóp ónege sózi bar
Sózi – soqpaq, ózi nár.
12 - oqýshy
Ata salty – ardaqty,
Árbir sózi – salmaqty.
Sol sózderdi uqpasań
Tistersiń bir kún barmaqty.
13 - oqýshy
Baba ósıetin ulyqtaý,
Bárimizge tıisti is
Babalardyń mırasyn
Umytpaýǵa tıispiz
14 - oqýshy
Ótse de ýaqyt zymyrap,
Tarıhty qalaı umytpaq.
Babalardyń murasyn
Eske alap júr jas urpaq.
15 - oqýshy
Babalar sózi - keshegi ótken qarıalardan, ǵulama oıshyldar men sheshen - bılerden, aqyn - jyraýlar men sal - serilerden mura, mıras bolyp qalǵan uly tárbıe quraly.
16 - oqýshy
Myń jylda bir - aq kórinetin kometalardaı syry da, sezimi de tereń, tuńǵıyq dana tulǵalarymyz fánı ómirden baz keship, baqılyq bolyp jatyr. Áıtse de, Baýbek pen Baýyrjan batyrlyǵy, Álıa men Mánshúk erligi, Qanysh pen Álkeı bilimi, Muhtar men Ǵabıt, Ǵabıdenderdiń úni, Dinmuhammedtiń parasaty – búgingi urpaqqa ónege. Olardyń danalyq boljamy, ǵıbrat alarlyq sózderi men paıymdaýlary búginde halyqpen qaıta qaýyshyp, júregimizden oryn alýda.
17 - oqýshy
Bizdiń ata - babalarymyzdan bizge jetken kóptegen ulaǵatty, ǵıbrat alarlyqtaı tamasha tálim - tárbıe bererlikteı ósıet sózder bar.
18 - oqýshy
Tilim bar da, qazaǵym bar, halqym bar,
Dástúrim bar, ata joly saltym bar.
Keń daladaı jınalmaǵan shalǵaıy,
Ańqaý ashyq minezim bar ańqyldaq
19 - oqýshy
Jerinde – babasynyń, elinde – atasynyń,
Kóńilinde – ájesiniń, qolynda - anasynyń,
Jolynda – aǵasynyń, tósinde – dalasynyń,
Tapqan óz jarasymyn,
Hormen: Men – qazaq balasymyn.
1 – Atalar sózimen ósip óngen,
2 – Babalar bulaǵynan nár alǵan,
1 – Danalar ósıetinen tárbıe alǵan,
2 – Ulylar tárbıesine taǵzym etken
Hormen – Urpaǵymyz halyqtyń ǵıbrat etken.