Babalarym,
Raqmet senderge
Balalarym bolmasyn dep kór-keýde,
Qobyzyńmen qosyp án men til berdiń,
Ómirge men mylqaý bolyp engende.
Babalarym,
Raqmet senderge!
Jyraýlardyń jazbaı ketken jyrlaryn,
Arýlardyń aıtpaı ketken syrlaryn,
Qorqytyńnyń qorqynyshty muń-zaryn,
Qobyzyńnyń shanaǵynan tyńdadym.
Qulazyǵan seniń qula túzderiń,
He bilmegen, ne kórmegen, izgi elim.
Jazylmaǵan tarıhymnyń joldaryn,
Aýyzeki ańyzyńnan izdedim.
Men bilmeımin.
Basyńa álde ornap baq,
Shahar salyp, jasadyń ba jannat-baq.
...Áldeqalaı tasqa túsken tańbada
Tabynamyn, tarıhymdaı ardaqtap.
Syr ashpaıdy seniń qula túzderiń,
Syr ashpaıdy taý-tastaǵy izderiń.
Seniń búkil bolmysyńnyń taǵdyryn,
Dombyrańnyń pernesinen izdedim.
İzdedim de, sátterimde, túńilgen,
Tastap ketken ańyzyńa júgingem.
Júgingem de, qaıta týǵam, tirilgem:
Tarıhymdy jazýdamyn búgin men,
Babalarym, seniń Ana tilińmen!
...Meniń myna qaıta týǵan kúnimde,
Sóıle, orkestr, dúrilde bir, dúrilde!
Sóıle, Mosart, meniń Ana tilimde,
Sóıle, Dante, meniń Ana tilimde.

---