InfoHub Logo

Qazaqstandyq aktrısa ári prodúser Baıan Alagózova Halyqaralyq áıelder kúnine oraı alǵan syılyǵyn kórsetti. Ol Instagram-daǵy storıs paraqshasynda saǵat taqqan qolynyń sýretin jarıalap, «Segizine deıin shydaı almady» jáne «Rahmet saǵan, mahabbatym» dep jazdy.

Bul týraly Infohub.kz aqparat agenttigi habarlaıdy.

Sýretten kóringendeı, bul – shveısarıalyq Richard Mille brendiniń RM 037 úlgisindegi saǵaty. Qyzǵylt altynnan jasalǵan, gaýhar tastarmen bezendirilgen bul modeldiń baǵasy 200 myńnan 450 myń dollarǵa deıin jetedi.

Saǵattyń quny qansha?

Chrono24 halyqaralyq saýda alańynyń málimetinshe, Richard Mille RM 037 modeliniń baǵasy onyń bezendirilýine qaraı ózgeredi. Tolyq gaýhar taspen qaptalǵan nusqalary budan da qymbat baǵalanady. Mundaı saǵattyń quny Almatydaǵy birneshe páterdiń nemese Bentley Bentayga, Lamborghini Urus sıaqty lúks kólikterdiń baǵasyna para-par keledi. Bul kólikterdiń baǵasy da 350–450 myń dollardan bastalady.

Alagózovanyń kúıeýi kim?

Baıan Alagózova «Galanz Bottlers» kompanıasynyń negizin qalaǵan, belgili bıznesmen Tursynǵalı Alagózovke turmysqa shyqqan. Onyń brendteri qatarynda «Maxi Chaı», Yellow lımonady, Dellos, Nestea jáne Laimon Fresh bar. Sondaı-aq, bıznesmen Shymkent syra zaýyty men JFood Kazakhstan («Sesna-Astyq» konserni) kásiporyndaryna ıelik etedi.

Tursynǵalı Alagózov Forbes reıtıńisinde Qazaqstannyń eń baı adamdarynyń qatarynda 61-orynda tur. Onyń baılyǵy 130 mıllıon dollarǵa baǵalanady. Ol buǵan deıin kompanıa qyzmetkerlerine 100 páter satyp alyp, shamamen 2,5 mıllıard teńge jumsaǵanymen, sondaı-aq jumysshylarynyń ata-analaryna zeınetaqylaryna ústemaqy tóleýge ýáde bergenimen de tanymal.