InfoHub Logo

Bala – adamnyń baýyr eti (ata – analarmen trenıń)
Maqsaty: Otbasyndaǵy ata – ana men bala arasyndaǵy qarym-qatynasty nyǵaıtý, ananyń meıirimin, mahabbatyn, jaqsylyǵyn túsinip, oǵan balalyq súıispenshilikpen jaýap bere bilýge baýlý. Balalarǵa adamgershilik tárbıesin bere otyryp, olardy ózin - ózi tárbıeleýge, óz oıyn, ishki sezimin ashyq aıtýǵa daǵdylandyrý.

İ. Kirispe
- Qurmetti ata – analar, búgin biz sizderdi «Bala – adamnyń baýyr eti» degen taqyrypta pikirlesip, oı bóliseıik dep, ata – analar trenıńin ótkizip otyrmyn. Ózderińiz bilesizder, bala tárbıesinde sizderdiń alatyn oryndaryńyz erekshe.
Analar men balalar dóńgelene jaıǵasyp otyrady.
- Balalar, kóńil kúılerińiz qandaı?
- Tamasha.
- Balalar, bizdiń analarymyz bizge shýaq shashyp, jyly lebizderimen, jaqsy sezimderimen qorshap tur. Analarymyzdyń ystyq júreginen qýat alyp, bir – birimizge jyly lebizderimizdi alaqan jylýy arqyly bildireıik.
- Ashyq aspan tileımin!
- Men ózime jáne ózimniń týystaryma, anama, ákeme, ájeme, aǵama jáne kishkentaı baýyrlaryma densaýlyq tileımin!
- Meniń otbasymda tynyshtyq jáne súıispenshilik bolsyn!
- Ózimniń kórshilerime, tanystaryma, dostaryma baqyt tileımin!
- Bizdiń elimizde, búkil jer sharynda beıbitshilik bolsyn!
- Analarymyz aman bolsyn!
- Ata – ananyń súıikti balasy bol!
- Aıtqan tilekterińiz qabyl bolsyn, osyndaı sóz úıretken biz tárbıeshilerimiz ben ata – analarymyzǵa rahmet!

İİ. Bólim
Sezim bólisý sáti
A) Analar balasyna jaı ýaqytta aıta almaıtyn tátti sózderin, oılaryn, tilegin aıtsyn (3 – 4 ana) «Aınalaıyn qulynym......»
Á) Balasy anasyna degen óz júregindegi sezimin bildiredi. «Anashym», «Meniń anam qandaı sulý», «Anam meniń baqytty».

İİİ. Bólim
Ata – analar úshin jaǵdaıattyq suraqtar
A) Balańyz sizge kómektesip, úı jınastyryp júrip baıqaýsyzda qymbat ydysty syndyryp aldy. Sizdiń is - áreketińiz? (balany jubatyp, ádeıi istemegenin aıtasyz)
Á) Balany jazaladyńyz, sodan soń ǵana ózińizdiń artyq ketkenińizdi baıqadyńyz. Ne isteısiz? (Óz qateligińizdi moıyndap, úlkender de qatelik jiberetinin túsindiresiz)
B) Balańyz túrli suraq qoıyp, jaýap berýińizdi ótinedi. Siz sharshap tursyz qalaı jaýap beresiz? (sharshap turǵanyńyzdy túsindirip, jaýabyn belgili bir ýaqytta berýdi belgileımiz)
V) Balańyz kósheden kıimin lastap keldi, sizdiń áreketińiz. (Sen kósheden las bolyp kelgende men saǵan renjımin)
G) Siz úıge kelgende balańyzdyń oıynshyqtardy qoqys qylyp úıindi jasap otyrǵanyn kóresiz, renjısiz. Sizdiń kózqarasyńyz? (Maǵan seniń oıynshyqty óz ornyna jınamaǵanyń unamaıdy)

Balalar úshin logıkalyq oıyndar
A) Ár túrli qolǵaptardyń syńaryn tabý. (aldymen túsinik jumystary júrgiziledi)
- Mynaý ne?
- Qolǵap.
- Ony qaı kezde kıemiz?
- Qysta.
- Sende neshe qol bar jáne saǵan neshe qolǵap kerek?
- Ekeý.
- Olaı bolsa mynalardyń ishinen bir par qolǵapty izdep jaýyp ala qoı.
Á) Suraqtarǵa jaýap alý.
1. Kúndiz jaryq, al túnde...? (qarańǵy)
2. Aspan kók, al shóp...? (jasyl)
3. Kishkentaı sıyr - ol buzaý, kishkentaı ıt – ol...., kishkentaı qoı – ol...? (kúshik, qozy)
4. It taýyqqa uqsaı ma, álde mysyqqa uqsas pa? Nesimen uqsas?
5. Qart adam men jas adamnyń aıyrmasy nede?
İV. Kórinis
«Shalqan» ertegisin tamashalaý
V. Bólim
Qaýyshý sáti
Ár ana óz balalaryna rızashylyǵyn bildirip, qushaqtap otyrýyna bolady.
VI. Bólim
Qorytyndy bólim
Án: «Analardyń tilegi»

Atyraý oblysy,
Qyzylqoǵa aýdany, Saǵyz selosy
«Aqbota» shıpajaı tıpti balalar baqshasy
ádisker, psıholog Qaldymuratova Aqmaral