InfoHub Logo

Aqparattyq - komýnıkasıalyq tehnologıalardy paıdalanýdyń tıimdiligi

HHI ǵasyrdaǵy bilim berý júıesine jańasha aqparattyq tehnologıalardy endirýdegi basty ustanym – sapaly túrde iske kirisip, tıimdi árekettený, qundylyqtardy tutynyp, nátıjeli tabysqa jetý. Bul qaǵıdany ustanyp, oń áreketke baǵyttalǵan tulǵa sózsiz tabysqa jetedi, kózdegen maqsaty oryndalady. Dálirek aıtqanda, bul – nátıjege ıe bolýdyń kilti. Al bilimdendirýdiń arnasyn keńeıtken ınternetke qosylý, pedagogterdiń kásibı mamandyǵyn jetildirý, aqparattyq tasqyn, damýdaǵy jyldamdyǵyna kóz ilespeıtin búgingi shapshańdyq, bilim júıesindegi jańalyqtar men ózgeristerdi ıgerý osyǵan deıingi qoldanylyp kelgen ádis - tásil, amaldarǵa boı bermeı otyr. Olaı bolsa, oqý - tárbıe úderisinde bolashaq mamandardy daıarlaýda aqparattyq tehnologıalar júıesin paıdalaný kásibı mindetterdiń birine jatady.

Qazirgi bilim berý salasynda kóptegen ózgerister engizilip, jańalyqtar ashylypjatyr desek, qatelespes edik. Ásirese, jańa ınovasıalyq tehnologıalar kóptep engizilýde. Solardyń biri – AKT aqparattyq - komýnıkasıalyq tehnologıalar.
Tehnologıanyń maqsaty – muǵalimderdiń bilimin kompúterlik ıntegrasıalaý, qashyqtyqtan oqytýdy qamtamasyz etý bolyp tabylady. Zaman aǵymyna qaraı kúndelikti sabaqqa beıne, aýdıo qondyrǵylary men teledıdardy, kompúterdi qoldaný aıtarlyqtaı nátıjeler berýde. Kez kelgen cabaqta elektrondyq oqýlyqty paıdalaný oqýshylardyń tanymdyq belsendiligin arttyryp qana qoımaı, logıkalyq oılaý júıesin qalyptastyrýǵa, shyǵarmashylyqpen eńbek etýine jaǵdaı jasaıdy. Dástúrli oqýlyqty onyń elektrondyq nusqasyna ońaı aınaldyrýǵa bolady. Bul nusqanyń jetistigi – ony kompúter jadynda saqtaý múmkindigi, onyń kompúterlik jeliler arqyly taratylýy bolyp tabylady.

Jalpy bilim berýdiń maqsaty – tereń bilimniń, kásibı daǵdylary negizinde erkin baǵdarlaı bilýge, ózin - ózi damytýǵa, adamgershilik turǵysynan jaýapty sheshimderdi qabyldaýǵa qabiletti jeke tulǵany qalyptastyrý. Iaǵnı jeke tulǵany qalyptastyrýǵa negizdelgen, aqparattyq - komýnıkasıalyq tehnologıalardy tereń meńgergen, jyldam ózgerip jatatyn búgingi zamanǵa laıyqty, jańashyl tulǵany qalyptastyrý.
Bilim berý júıesine oqytýdyń jańa tehnologıalaryn engizý jáne aqparattyq tehnologıamen qamtamasyz etýdi jaqsartý, stýdenttiń aqparattyq mádenıetin qalyptastyrý mindetteri bir - birimen ózara tyǵyz baılanysty, ıaǵnı oqý úderisin qazirgi zamanǵy tehnologıalar men oqytýdyń tehnıkalyq quraldaryn engizýdi talap etedi.
Aqparattyq - komýnıkasıalyq tehnologıany paıdalaný jónindegi qyzmettiń maqsaty:
úırenýshiniń shyǵarmashylyq áleýetin damytý; kommýnıkatıvtik áreketterge qabiletti bolýdy damytý; saraptamalyq zertteý qyzmeti daǵdylaryn damytý; oqý qyzmeti mádenıetin damytý; oqý - tárbıe úrdisiniń barlyq deńgeılerin qarqyndandyrý, onyń tıimdiligi men sapasyn arttyrý; qazirgi qoǵamnyń aqparattanýymen baılanysty paıda bolatyn áleýmettik tapsyrysty júzege asyrý.