InfoHub Logo

Atyshýly «Balapan» telearnasynyń burynǵy prodúseri jas balany zorlady degen habar eldi dúrliktirdi. Bul týraly óziniń qurbany bolǵanyn aıtqan Nurǵalı Nuǵman esimdi azamat málimdedi.

Bul týraly Infohub.kz aqparat agenttigi habarlaıdy.

Balalyq shaqtaǵy zorlyq

Nurǵalı Nuǵmannyń aıtýynsha, ol bala kezinde «Balapan» arnasyndaǵy jobalarǵa qatysyp, kórermenge tanymal bolǵan. Ónerge kelýine týystyq baılanystaǵy aǵasy sebepker bolǵan. Sol kezde atalǵan azamat telearnada prodúser qyzmetin atqarǵan.

Nurǵalıdiń sózinshe, túsirilim jumystary aıaqtalǵan soń, prodúser ony ádeıi jumys kabınetine shaqyryp, zorlyq kórsetken. Bul oqıǵanyń saldarynan jigit psıhologıalyq turǵydan qatty zardap shekken.

Qazirgi jaǵdaıy

Qazirgi tańda Nurǵalı Qytaıda saýdamen aınalysyp júr. Ol bala kezinde bolǵan oqıǵanyń ómirine aýyr áser etkenin, tipti ózine qol jumsaý oıyna deıin kelgenin jasyrmady.

Búginde ol bul jaıtty kópshilikke ashyq aıtýǵa bel býdy. Áleýmettik jelilerde jurtshylyq atalǵan prodúserdiń aty-jónin jarıalap, onyń qazirgi ornyn anyqtaýdy talap etýde.

Bul máselege qatysty resmı organdar men «Balapan» telearnasy tarapynan ázirge eshqandaı pikir bildirilgen joq.