«Muǵalıma bizge baqyt týraly shyǵarma jazdyrdy. Baqyt degen ne ekenin men qaıdan bileıin...»
Baqyt degen - seniń bala kúnderiń
Baqytsyz-aq baqytty bop júrgeniń,
Baqytyn da, basqasyn da bilmeýiń
Baqytsyz-aq oınaǵanyń-kúlgeniń.
Baqyt jaıly meniń mynaý bilgenim.
Baqyt degen - birde shattyq, birde muń.
Baqytty sol - tárik etip túnderin,
Baqyt izdep azaptansa, kimde-kim.
Baqyt degen - árkimderde bir arman,
Sol armannyń shyqqan jeri qumardan.
Al sen úshin baqyt degen - dál qazir,
Baqyt jaıly jaza almaǵan shyǵarmań.
Baqyt izdep mal baq, meıliń, tas qala,
Biraq, balam, mynany esten tastama:
Baqyttysyń baqyt izdep sorlasań,
Baqytty bop sorlap júrseń masqara!
Baqytyń - men, baqytym dep bil meni,
Meni bilseń, baqytyńdy bilgeniń.
Al men úshin eń baqytty kúnderim -
Balam, saǵan baqyt izdep júrgenim!

---