InfoHub Logo

Jelidegi tyńdarmandary arasynda erekshe tanymaldylyqqa ıe bolǵan ánshi BAYAN SULU shyǵarmashylyq jolyndaǵy mańyzdy ózgerister týraly habarlady. Ánshiniń bul jańalyǵy kópshiliktiń qyzyǵýshylyǵyn týdyrdy.

Bul týraly Infohub.kz aqparat agenttigi habarlaıdy.

Shyǵarmashylyqtaǵy úzilis

Sońǵy kezderi ánshige «Nege joǵalyp kettiń?», «Prodúserińmen jumysty toqtattyń ba?» degen saýaldar jıi qoıylǵan. Osyǵan baılanysty BAYAN SULU áleýmettik jelide jankúıerlerine úndeý jasap, jaǵdaıdy túsindirdi.

«Iá, rasynda da men prodúserimmen jumysty toqtattym. Bul ońaı sheshim bolǵan joq. Alaıda, ómirde qıyndyqtar bolyp turady. Men bárin Allanyń ózi retteıtinine senemin», - dep jazdy ánshi.

Jaqsy jańalyqtar men aldaǵy josparlar

Ánshiniń aıtýynsha, YouTube-tan ýaqytsha alynyp tastalǵan ánderi qaıta oralǵan. Bul jańalyqty estigen kóptegen analar qýanyshtaryn bildirgen. Óıtkeni, balalary onyń ánderin tyńdamaı, tynyshtalmaıtyn bolǵan.

«Adamdarǵa osyndaı qýanysh syılaı alatynymdy kórip, shúkir etemin», - dedi BAYAN SULU.

Ánshi aldaǵy ýaqytta jańa ánder, jańa klıpter jáne jańa deńgeıdegi shyǵarmashylyq jumystar bolatynyn aıtyp, jankúıerleriniń qoldaýyn surady. «Sizder qoldasańyzdar, men toqtamaımyn. Qoldaý kórsetken árbir tyńdarmanyma raqmet! Men sizderdi qatty jaqsy kóremin!», - dep sózin qorytyndylady ol.