Bárine jaýaptymyn.
Qashan menen qalǵaly taǵat, tynym,
Pisip turǵan egindi burshaq ursa,
Aıtyńdar jaýapty kim?
Árıne, men.
Men oǵan jaýaptymyn.
Búgingi sát, keshegi aǵattyǵym,
Salǵyrttyqpen ótkizgen salaq kúnim.
Syrtyldaǵan bosqa ótse saǵat tili,
Oǵan da jaýaptymyn, jaýaptymyn.
Bireý kesse ormannyń tiri aǵashyn,
Jaýap bermeı qalaısha tura alasyń.
Qaryndasym aldyma jylap kelse,
Tik turyp jaýap berer myna basym.
Bul shaqta tekti kimder, teksiz kimder,
Kórsoqyrlar qanshama kópti kúnder.
Dos adamdar ózara jaýlassa eger,
Ol da meniń kinámnen dep bilińder.
Qol synsa, bas jarylsa, qanap múryn,
Ol da - meniń soraqy aǵattyǵym.
Ar sotynyń aldyna alyp baryp,
Aldymnan esigin ash abaqtynyń!
Sebebi, bárine men jaýaptymyn!

---