InfoHub Logo

Búgin túnde, 11-nen 12 qańtarǵa qaraǵan túni, Ispanıa Sýperkýbogy aıasynda katalondyq «Barselona» men madrıdtik «Real» arasyndaǵy mach ótedi. Bul machty Qazaqstanda qaıdan kórýge bolatynyn bilgińiz kelse, oqyńyz.

Bul týraly Infohub.kz aqparat agenttigi habarlaıdy.

Mach qaıda ótedi?

«El-Klasıko» machy Saýd Arabıasynyń Djıdda qalasyndaǵy «Kıng Abdýl Azız Sports Sıtı» stadıonynda ótedi. Oıynnyń bastalýy Qazaqstan ýaqytymen túngi 00:00-ge josparlanǵan.

Qaıdan kórýge bolady?

Machtyń tikeleı translásıasy Sport+ telearnasynda jáne arnanyń resmı saıtynda qoljetimdi bolady.

Quramdar qandaı?

«Barselona»: Hoan Garsıa, Balde, Erık Garsıa, Kýbarsı, Kýnde, De Iong, Pedrı, Fermın, Rafıná, Iamal, Torres.

«Real»: Kýrtýa, Karreras, Hóısen, Asensıo, Valverde, Bellıngem, Chýamenı, Kamavınga, Vınısıýs, Rodrıgo, Garsıa.

Kimder oınamaıdy?

«Barselona» quramynda Andreas Krıstensen men Gavı jaraqattaryna baılanysty alańǵa shyqpaıdy, al Ronald Araýho jeke sebeptermen oıyndy ótkizip jiberedi. «Real» quramynda Eder Mılıtao jaraqat alǵan, al Ferlan Mendı, Trent Aleksandr-Arnold jáne Antonıo Rúdıgerdiń oınaýy kúmándi.

Ótken jyly osy eki komanda arasyndaǵy machta «Barselona» jeńiske jetip, Ispanıa Sýperkýbogyn 15-shi ret ıelengen bolatyn. Al «Real» bul trofeıdi 13 ret jeńip alǵan.