InfoHub Logo

Taılandtyń Bangkok qalasynda ótip jatqan "Bolashaq kýbogy" halyqaralyq týrnırinde bes qazaqstandyq boksshy fınalǵa joldama aldy. Jasóspirimder arasyndaǵy bul dodada el namysyn qorǵaıtyn sportshylar erteń, naýryzdyń 15-i kúni altyn medal úshin judyryqtasady.

Bul týraly Infohub.kz aqparat agenttigi habarlaıdy.

Fınalǵa shyqqandar kimder?

Týrnırdiń fınalyna Jalǵas Ótebekov (-90 kg), Dosjan Jumaqan (-60 kg), Beıbarys Áshirbaı (-70 kg), Kamıla Ospanova (-70 kg) jáne Aıdana Obaıdýllaqyzy (-80 kg) syndy boksshylar shyqty.

Jartylaı fınaldaǵy jekpe-jekter

90 kelige deıingi salmaqta Jalǵas Ótebekov samoalyq Entonı Patımen kezdesip, tóreshilerdiń biraýyz sheshimimen (5:0) jeńiske jetti. Al 60 kelidegi Dosjan Jumaqan fransýz Davıd Harýtúnándy 4:1 esebimen utty.

70 kelide Beıbarys Áshirbaı marokkolyq Marýan Djaafrıdi 5:0 esebimen jeńse, qyzdar arasyndaǵy 70 kelide Kamıla Ospanova amerıkalyq Marlı Maknılıdi jeńdi. 80 kelidegi Aıdana Obaıdýllaqyzy vetnamdyq Thı Maı An Damdy birinshi raýndta úsh ret nokdaýnǵa jiberip, merziminen buryn jeńiske qol jetkizdi.

Aıta keteıik, World Boxing uıymdastyrǵan bul týrnırge 19 qazaqstandyq boksshy qatysqan bolatyn.