InfoHub Logo

Álemdegi eń úzdik shahmatshylardyń biri, úsh dúrkin álem chempıony Bıbısara Asaýbaeva jattyǵý prosesine qansha qarajat jumsalatynyn ashyq aıtty. Onyń aıtýynsha, shahmat tek qarapaıym oıyn emes, sonymen qatar qymbat sport túri.

Bul týraly Infohub.kz aqparat agenttigi habarlaıdy.

Jattyqtyrýshynyń qyzmeti qansha turady?

Bıbısara Asaýbaeva jylyna 6 ret, árqaısysy 10 kúnnen jattyǵý jıyndaryn ótkizedi. Sportshynyń jeke jattyqtyrýshysynyń bir kúndik qyzmeti 1000 eýroǵa baǵalanady. Bul shamamen 587,7 myń teńge.

«Shahmat áleminen tys jandar bul sportty arzan dep oılaıdy. Bizde tenıs, gólf, boks sekildi úlken júlde qory joq, biraq shyǵyndar óte joǵary. Meniń jeke jattyqtyrýshym kúnine 1000 eýro alady. Buǵan ushaq bıleti, turý shyǵyndary kirmeıdi», - deıdi Asaýbaeva.

Demek, tek jattyqtyrýshyǵa ǵana jylyna shamamen 60 myń eýro (35,2 mıllıon teńge) jumsalady.

Komandada 11 maman bar

Sportshynyń komandasy 11 adamnan turady. Olardyń qatarynda negizgi jattyqtyrýshylar, sparrıng-seriktester, debút, endshpıl jáne mıttelshpıl boıynsha mamandar bar.

«Bári sizdiń deńgeıińizge baılanysty. Men Týrnırge qatysý quqyǵyn alǵandyqtan, daıyndyq áldeqaıda kúrdeli bolady. Qazir meniń komandamda 11 adam bar. Olardyń árqaısysy óz úlesin qosady, sondyqtan shyǵyndar qomaqty bolady», - dep túsindirdi shahmatshy.

Aıta keteıik, Bıbısara Asaýbaeva blıs-shahmattan álem chempıonatyndaǵy jeńisi arqasynda Týrnırge qatysý múmkindigin ıelendi. Bul týrnır 28 naýryz ben 16 sáýir aralyǵynda ótedi. Týrnırdiń jeńimpazy klasıkalyq shahmattan álem chempıony ataǵyna talasatyn bolady.