Bilim granttaryn bólý prosesine eshkim aralasa almaıdy — BǴM
Bilim granttaryn bólý prosesine bógde adamdar aralasa almaıdy, dep habarlaıdy Bilim jáne ǵylym mınıstrliginiń baspasóz qyzmeti.
Kıber shabýyldardy zertteý jáne taldaý ortalyǵynyń (SARKA) ókilderi bilim granttaryn bólý rásimin tekserip, óz qorytyndysyn shyǵardy. Qazaqstan Respýblıkasy Bilim jáne ǵylym mınıstrliginiń «Ulttyq testileý ortalyǵy» bakalavrıat jáne magıstratýra boıynsha bilim granttaryn bólýge jaýap beretin aqparattyq júıeniń bastapqy kodtaryn SARKA mamandaryna tekserýge bergen bolatyn. Tekserý nátıjesi boıynsha, granttardy bólý úrdisine bóten adam aralasa almaıtyny anyqtaldy.
«Atalǵan tekserý grant bólýdiń jarıalanǵan nátıjeleri baǵdarlama bergen derektermen tolyq sáıkes keletinin kórsetti. Osylaısha, grant bólý týraly derekter tizim jasalǵan sátten bastap nátıjeler jarıalanǵanǵa deıin óz tutastyǵy men qupıalylyǵyn saqtap qalǵan dep senimmen aıtýǵa bolady» delingen habarlamada.
Ortalyq mamandary tizim jasaýǵa jaýap beretin aqparattyq júıege bógde adamdar aralaspaǵan degen qorytyndyǵa keldi.
Aıta keteıik, atalǵan tekserý barysynda 76 009 qatysýshy arasynda 58 126 grantty taǵaıyndaý úrdisi tekserilgen.
You Might Also Like
-
Shved koróldik ǵylym akademıasy 2019 jylǵy fızıkadan Nobel syılyǵy fızıkalyq ǵaryshnama salasyndaǵy teorıalyq jańalyqtar úshin Djeıms Pıblske, sondaı-aq, kún tárizdes juldyzdy aınalatyn ekzoplanetan...
-
Qurmetti aǵaıyn! Mine, jelip otyryp, [jasy] degen beleske de kelip qalypty. Men ózim paıǵambar jasy 63 jasqa kelsem, artymnan ergen óksheles inim bul da [jasy] shyǵyp otyr. Ótken ómir kóz aldyńa kıno...
