Bilim mınıstri: Karantın kezinde muǵalimder jańa kásipti meńgerdi
QR Bilim jáne ǵylym mınıstriniń buıryǵyna sáıkes, jas urpaqty oqytý jáne tárbıeleý isindegi eleýli tabystary úshin birqatar pedagog «Y. Altynsarın» belgisimen marapattalady.
«Biz sizderdi Y. Altynsarın atyndaǵy vedimistik medalmen marapattaımyz. Búgingi kezdesýdi onlaın rejımde ótkizgendikten, marapattaý rásimi de osyǵan sáıkes júrgiziledi. Keıinnen osy tósbelgiler marapattalǵan ustazdarǵa tapsyrylady», — dedi Bilim jáne ǵylym mınıstri Asqat Aımaǵambetov onlaın rejımde muǵalimderdiń qatysýymen ótken konferensıada.
Sonymen qatar mınıstr telesabaqtardy daıarlaýǵa belsendi qatysqan barlyq muǵalimder men ádiskerlerge alǵysyn aıtty.
«Sizder aýqymdy jumys atqardyńyzdar. Qazir telejuldyzǵa aınaldyńyzdar, ıaǵnı qysqa merzimde jańa kásipti meńgerip shyqtyńyzdar. Bizdiń muǵalimder bir aptanyń ishinde telejúrgizýshilikti meńgerip, osy mamandyqtyń qyr-syryn úırendi. Úsh myńnan astam telesabaq daıyndaldy», — dedi A. Aımaǵambetov.
Budan bólek, Táýelsiz Qazaqstannyń rýhanı jáne áleýmettik damý jolynda qol jetkizgen tabystary men gúldenýine qosqan zor úlesi úshin qurmet gramotasymen 120 pedagog pen 104 ádisker marapattalady.
You Might Also Like
-
Pavlodar qalasy bilim berý bóliminiń balalar kórkemsýret mektebi uly Abaıdyń 175 jyldyǵyna arnalǵan «Qalamynan óner tamǵan» grafıka saıysynyń qorytyndysy shyǵardy. Baıqaýǵa 6 - 17 jas ar...
-
QR Bilim jáne ǵylym mınıstri Asqat Aımaǵambetov mektep bitirýshilerdi Ulttyq biryńǵaı testileýden qoryqpaýǵa shaqyrdy.
