Bilim mınıstri: Sapasyz joǵary oqý oryndaryn jabý jumysyn ary qaraı jalǵastyramyz
Kadrlardy daıarlaýǵa arnalǵan granttar suranysqa ıe baǵyttarǵa ǵana bólinedi. Bul týraly Úkimet otyrysynda QR Bilim jáne ǵylym mınıstri Asqat Aımaǵambetov aıtty.
«Joǵary bilim berýde kadrlardy daıarlaýǵa arnalǵan granttar suranysqa ıe baǵyttarǵa ǵana bólinip, kásiptik baǵdarlaý jumysy kúsheıtiledi. Kásiptik standarttar men atlas negizinde jańa baǵdarlamalardy ázirlep engizemiz», — dedi Asqat Aımaǵambetov.
Onyń atap ótýinshe, joǵary bilimniń sapasyn arttyrý úshin pedagogtardy, dárigerlerdi, zańgerler men sáýletshilerdi daıarlaıtyn ýnıversıtetterge erekshe biliktilik talaptary engiziledi.
«Buǵan qosa akademıalyq adaldyqty buzǵany jáne sybaılas jemqorlyq quqyq buzýshylyqtary úshin lısenzıadan aıyrýǵa deıingi jaýapkershilikti normatıvtik-quqyqtarǵa bekitýge daıyndadyq.Sondaı-aq memlekettik baqylaý jónindegi zańnamaǵa lısenzıalaý jáne tekserý tártibin ózgertý, lısenzıalardy qaıtaryp alý rásimi boıynsha normalarǵa ózgerister engizemiz. Sapasyz joǵary oqý oryndaryn jabý jumysyn ary qaraı jalǵastyramyz», — dedi mınıstr.
You Might Also Like
-
Men kishkentaı kezimde oń aıaǵym qaısy, sol aıaǵym qaısy — ajyrata almaýshy edim. Oń aıaqtyń, sol aıaqtyń ózderin emes. Etikti. Etiktiń qaı syńary qaı aıaqqa keletinin aıyra bilmeımin. Aldymen bir a...
-
Otbasy qoǵamnyń bir bólshegi, al otbasynyń altyn qazyǵy-áıel adam.Ultymyzdyń adaspaı, ult bolyp qalýy, qoǵamnyń alǵa qaraı jyljýy, órkendep-ósýi sońynda kelip áıelge, bolashaqta ana bolar qyzdardyń q...
