Bilim mınıstrligi qandaı muǵalimderdiń eńbekaqysy ósetinin túsindirdi
Qazaqstannyń Bilim jáne ǵylym mınıstrliginiń buıryǵy boıynsha búdjet tarapynan qarjylandyrylatyn memlekettik bilim berý mekemeleriniń qyzmetkerlerine, eńbek aqy tólemderi týraly erejege ózgerister engizdi. Tıisinshe, aǵylshyn tilinde sabaq beretin muǵalimderdiń bazalyq eńbek aqysyna qosymsha tólem jasalady.
"V1-Intermediate, B2-Upper-Intermediate nemese C1-C2-Advanced deńgeılerine sáıkes APTIS, IELTS, TOEFL júıeleri boıynsha test tapsyrǵany týraly sertıfıkaty bar jáne tildik deńgeıi pánderdi aǵylshyn tilinde oqytýǵa múmkindik beretin dıplom qosymshasy bar, fızıka, hımıa, bıologıa, ınformatıka pánderinen sabaq júrgizetin memlekettik bilim berý mekemeleri muǵalimderiniń bazalyq eńbek aqysyna 200% kólemde qosymsha tólenedi", — delinedi buıryqta.
Qosymsha tólemaqy 2017 jyly 1 qyrkúıekten bastap tólenedi.
Qazaqstannyń mektepterinde 2017 jyly 1 qyrkúıekten bastap birqatar pánderdi aǵylshyn tilinde júrgizý qolǵa alyndy. Tájirıbe nátıjesi boıynsha aǵylshyn tilinde sabaq berýdiń sońǵy kestesi bekitiledi. Respýblıkada pándik muǵalimderge aǵylshyn tilin oqytý júrgizilip jatyr.
Derekkóz: Sputnik Kazahstan
You Might Also Like
-
Álemdik bilim berý keńistigine kirý maqsatynda Qazaqstan Respýblıkasy otandyq bilim berýdiń ozyq dástúrleri men standarttaryn saqtaı otyryp, álemdik bilim berý tájirıbesine baǵyttalǵan strategıalyq...
-
Qorshaǵan ortany qorǵaý máselesine keletin bolsaq, oblysymyzda atqarylyp jatqan jumystar az emes, alaıda problemalar da birinen soń biri týyndap otyrǵanyn joqqa shyǵarýǵa bolmaıdy. Bul maqalada eń óz...
