InfoHub Logo

Sabaqtyń taqyryby: Bilim nári - kitapta

Sabaqtyń maqsaty: Oqýshylarǵa óz oıyn kópshiliktiń aldynda erkin jetkize bilýge jáne sahnada ózin ustaý mádenıetin úıretý.
Damytýshylyq maqsaty: Oqýshylardyń oılaý qabiletterin jáne til baılyǵyn damytý.
Tárbıelik maqsaty: Oqýshylardyń kitapqa degen qyzyǵýshylyǵyn arttyrý jáne kitap oqýǵa qumarlandyrý.
Sabaqtyń túri: Dástúrli
Sabaqtyń kórnekiligi: Kitap týraly danalyq sózder men maqal-mátelder, slaıdtar

Sabaqtyń barysy:
Júrgizýshi:
Adam balasy dúnıe esigin ashqannan keıin, jasy tolyp mektep tabaldyryǵyn attap, bilim alady. Mektep bitirip joǵary oqý oryndarynan bilim shyńdaı túsedi. Sol bilimdi alýǵa birden-bir eń qajetti quraldardyń biri – kitap.
«Kitap adamzat aqyl – oıynyń injý – marjanyn boıyna jınaıdy, olardy urpaqtan – urpaqqa jetkizedi.
Biz bir ýys kúl – topyraqqa aınalamyz, al kitaptar dál bir temir men tastan qashalyp jasalǵan eskertkishterdeı ǵasyrlar boıyna saqtalady» - kitapqa osynshama baǵa bergen qazaq jazýshysy Aıbek.

Jospary:
1. Tanystyrý(İ top “Kitapqumarlar”, İİ top “Kitapsúıerler”)
2. “Sózdiń kórki - maqal” maqal-mátel jarysy
3. “Óleń – sózdiń patshasy” mánerlep oqýdan jarys (týǵan el, til, kitap týraly óleńderin jatqa aıtý).
4. “Oılan tap” jumbaq jarysy.
5. Kórinis: “Kitaptar muńy” (ár top oqýshylary kitaptar týraly kórinisti kórsetedi).
6. “Kim jyldam” vıktorınalyq suraqtar (eki top basshylary qatysady).

1. Tanystyrý.
(İ top“Kitapqumarlar”, İİ top “Kitapsúıerler”)
2. “Sózdiń kórki - maqal” maqal-mátel jarysy
3. “Óleń – sózdiń patshasy” mánerlep oqýdan jarys (týǵan el, til, kitap týraly óleńderin jatqa aıtý).
Ana tili
Sh.Sarıev
Áldıinen qadirli sóz bola ma,
Ananyń aq sútiniń qaryzy mol.
Óz tilińdi úıretý óz balańa
Ananyń aldyndaǵy paryzy ol!
Kiná artady kúni erteń bala kimge
Urpaǵynyń aldynda uıattysyń
Bir aýyz sóz bilmese ana tilde
Óz balańa shet eldik sıaqtysyń
Umytylyp qalardaı óz anań da,
Ana tildi umytý – masqara bul !
Eske usta atynan sóz alarda
Ana tilden qurylǵan astana bul.
Respýblıka bolǵanmyn Ana tilmen
Ana tilmen jazylǵan Altyn zańym
Halqym bergen osy eki qanatymmen
Táýelsizdik eldermen jarqyldadym!

Kitap
Orazaqyn Asqar
Qyrandaı tomaǵasy alynbaǵan
Etedi jabyq keziń janymdy alań
Syılyqtar qatarynda óziń tursyń
Ózkesin senen buryn qabyldaman
Ashylǵan eki betiń jaıǵan qanat

4. “Oılan tap” jumbaq jarysy.
1. Syrty eskirgenmen
İshi eskirmegen.
2. Jańa ǵana qalandy
Balalar aǵyp barady.
3. Aıaǵy joq júredi,
Aýzy joq sóıleıdi.
4.Bes jandy bir jansyzǵa mingesken,
Aınalyp aq taqyrdan iz kesken.

5. Bir atadan týypty 29 balasy,
Birliginde, bulardyń eshkimniń joq talasy.
Birigip júrip is qylar, óziń oılap qarashy

6.At minip qara-ala aıaq qazdaqtatyp,
Júrgende jol salady sabandatyp.

7. Dúnıede bir qudyq bar qaınap jatqan,
İshinen sý shyǵady myń san batpan.
Sol qudyq sondaı-aq kóp bolsa daǵy,
Betine betegesi shyǵyp jatqan

8.Keledi sapar tartyp alýan joldan,
Tamasha qyzyǵy kóp túspes qoldan,
Qyzyǵyn oqysańyz tamashalap,
Qalasyń habarlasyp barlyq jaıdan.

9.Bir nárse ala shubar, qara tumsyq,
Qarasań basqan izi qısyq-qısyq.
Ózi jansyz, jandynyń kúshimenen
Boraıdy at ústinde jeldeı esip.

10.Jer kórdim qalasy bar,
Úıleri joq mekendeıtin,
Kól kórdim, ózen kórdim,
Sýlary joq tereńdeıtin.
5. Kórinis: “Kitaptar muńy”(ár top oqýshylary kitaptar týraly kórinisti kórsetedi).

6. “Kim jyldam” vıktorınalyq suraqtar (eki top basshylary qatysady).
1. Sen kitaphanadan qandaı kitap alyp
oqydyń, ol nemen qyzyqty?
2. Al sen kitaphanaǵa barasyń ba?
3. Til merekesi kúnin qashan toılaımyz?
4. Bizdiń aýdanymyzda qandaı gazetter shyǵady?
5. Qandaı balalarǵa arnalǵan gazet jýrnaldardy bilesiń?
6. Tuńǵysh qazaq ǵaryshkeri kimder?
7. Respýblıka kúni qashan?
8. Jańa týǵan nárestege jasalatyn toı?
9. Qazaqstan Respýblıkasynyń Eltańbasynyń avtory kimder?
10. Qazaqstan Respýblıkasynyń týynyń avtory kimder?

Kóp jasaǵan bilmeıdi, kóp oqyǵan biledi.
(M.O.Áýezov)