InfoHub Logo

Sabaqtyń taqyryby: Baldyrlar bólimi. Bir jasýshaly baldyrlar
Sabaqtyń maqsaty: Bir jasýshaly baldyrlardyń tirshilik áreketi jóninde túsinik berý.
Bilimdilik: Bir jasýshaly baldyrlar jáne olardyń tabıǵattaǵy, sharýashylyqtaǵy mańyzymen tanystyrý áreketin uıymdastyrý, baldyrlar, olardyń ártúrliligin túsindirý.
Damytýshylyq: Bir jasýshaly baldyrlar bólimin oqyta otyryp, oı-órisin keńeıtý,pánge degen qyzyǵýshylyǵyn arttyrý,qorytyndylaı bilý ıkemdigin damytýǵa yqpal jasaý.
Tárbıelik: Birjasýshaly baldyrlardyń adam ómirindegi mańyzymen tanystyra otyryp olardy tıimdi paıdalanýǵa baýlý.
Sabaqtyń tıpi: Dástúrli emes sabaq
Sabaqtyń túri: Aralas sabaq
Ádis – tásilderi: «BJS» tehnologıasy
Sabaqtyń kórnekiligi: «Aýyzsha sabaq – 1» kartasy, ınteraktıvti taqta

Sabaq barysy
İ. Uıymdastyrý kezeńi motıvasıa
- Sálemdesý
- Oqýshylardy túgendeý, sabaqqa daıarlyǵyn qadaǵalaý
- Oqýshylardyń nazaryn sabaqqa aýdarý
Úı jumysy tekserilmeıdi – bul jańa taqyryp. Ótken taqyryp aıaqtalǵan jáne túısinýdi talap etpeıdi. Oqýshylardyń motıvasıasy synyp bir top retinde bolady: taqyryptar ýaqyty jyldyq jospar boıynsha kórsetiledi. Muǵalim taqyryptardy oqý barysynda ýaqytty únemdeýge jáne «Aýyzsha sabaq-1» kartasynda oınaý múmkindikterine málimet beredi.
Karta boıynsha jumys jasaý reti túsindiriledi. Ujymdy belsendirý úshin kóshbasshyǵa sóz beriledi. OOM boıynsha jumys.

İİ.Oqýshylardyń sýbekti tájirıbesin ózektendirý
Ótken sabaq taqyryby boıynsha ersili-qarsyly suraq qoıý. OOM boıynsha materıaldy bekitý úshin tekserý júrgiziledi.
Birinshilik belgileý. barlyq oqýshylardyń nátıjeleri boıynsha qosý nemese alý belgileri qoıylady.

İİİ.Qabyldaýdy uıymdastyrý. 2 sózden turatyn túsinik eki sóz retinde sanalady. Jady boıynsha ruqsat: bir sóz shegeriledi
Sabaq bastalmas buryn muǵalim slaıd arqyly oqytylatyn taqyryp boıynsha 7sózdi shyǵaryp kórsetedi. Taqyryp ishinde muǵalim sózderdiń maǵynasyn túsindiredi. Kiltti sózder jabylady. Oqýshylar slaıdtaǵy barlyq sózderdi esterinde saqtaýy tıis. Berilgen ýaqyt aıaqtalysymen sózderdi jasyryp qoıady jáne oqýshylar sol ketken ýaqyt aralyǵyndaǵydaı ýaqyt ishinde esterine sózderdi túsirýi tıis. Muǵalim suraq-jaýap júrgizedi, normaǵa saı este qalǵan sózderdi aıtqan oqýshyǵa OOM uıashyǵyna qosý belgisi qoıylady. Ekinshilik belgileý. Este saqtaýǵa ýaqyt normatıvi 7 sóz – 30 sek.

İV. Uǵynýdy uıymdastyrý
Oqýshylar oqýlyqtyń bir bet paraǵyndaǵy mátindi 3 mınýt ishinde oqyp shyǵýy tıis. Muǵalim olardyń materıaldy oqyǵan bilimderine qatysty suraq-jaýap alatyny jaıynda eskertýi tıis. 7-11 synyptar: 4 mátinniń bir betine 4 mınýt;

V. Túsinýdiń birinshilik tekserýi
Qarama-qarsy suraq qoıý. Muǵalim OOM boıynsha oqýshylardy retsiz túrde sabaqtyń taqyrybyna baılanysty kilttik sózderdi qosa suraıdy. Qosymsha slaıd arqyly suraqtar shyǵady.
1. Hlamıdomonada qaıda tirshilik etedi?
2. Jynys jasýshalarynyń atalýy?
3. Bir jasýshaly jasyl baldyrlar qashan paıda bolǵan?
4. Topyryqta, aǵash dińinde ósetin baldyr?
5. Hlorokakko baldyrlary qalaı kóbeıdi?
6. Baldyrlar qaıda tirshilik etedi?
7. Tallom dep neni aıtady?
8. Hromatofor degenimiz ne?
9. Baldyrlar qalaı kóbeıedi?
10. Hlorella baldyryn ǵalymdar ne sebepten jan-jaqty zertteýde?
11. Sýda tirshilik etetin baldyrlardyń qandaı mańyzy bar?
Úshinshilik belgileý.Barlyq oqýshylardyń nátıjeleri boıynsha qosý nemese alý belgileri qoıylady.

Vİ. Birinshilik bekitýdi uıymdastyrý
Qarama – qarsy suraq qoıý. Muǵalim taqyrypqa saı retsiz oqýshylardy OOM arqyly suraıdy. Suraqtar meńgerý sapasyn tekserýge arnalǵan turǵyda bolǵany abzal. «Ia» nemese «Joq» degen jaýap beretin suraqtar bolmaýy tıis.
1. Bir jasýshaly jasyl baldyrlarǵa hlamıdomonada, hlorella, hlorokokka, jasyl evglena, volvokstar jatady. (ıá)
2. Osylardyń ishinen keń taralǵany – hlorella. (joq)
3. Ol kishi ıirim sýlarda, toǵandarda kezdesedi. (ıá)
4. Hlomıdomonada jasýshasy domalaq nemese alma pishindi bolyp keledi. (joq)
5. Onyń denesiniń aldyńǵy sozylǵan ushynda denesin qozǵalysqa keltiretin eki talshyǵy bolady. (ıá)
6. Jasýshasy syrtynan selúlozaly qabyqshamen qaptalǵan, ishinde sıtoplazma, ıadro jáne iri tostaǵan tárizdi hromatofory bar. (ıá)
7. Jasýshanyń artqy bóliminde eki jyrylǵysh vakýol jáne jaryq sezgish kózshe ornalasqan. (joq)
8. Jaryq sezgish kózshe túsken jaryqty qabyldap, hlamıdomonada sol jerge qaraı talshyǵynyń kóligimen qozǵalyp barady. (ıá)
9. Jıyrylǵysh vakýol artyq sýdy bólip shyǵara almaıdy. (joq)
10. Kóbeıýi eki jolmen júredi – jynystyq jáne jynyssyz. (ıá)
11. Hlamıdomonada tek qana fotosıntez kezinde paıda bolǵan organıkalyq zattarmen qorektenedi. (joq)
12. Sýda erigen ottegimen tynys alady (ıá)
Tórtinshi belgileý. barlyq oqýshylardyń nátıjeleri boıynsha qosý nemese alý belgileri qoıylady.

Vİİ. Taldaý
Oqytylǵan taqyryp boıynsha taqyryptyq sózdik qordy (TSQ) tekserý júrgiziledi. Sóz qysqartylmaǵan túrde, túsinikti etip jazylady. shyǵarma túrinde jazýǵa ruqsat beriledi. Kómekshi sóz jáne jalǵaý sóz bolyp sanalmaıdy. TSQ normatıvi tómende keltirilgen.
Jas ereksheligine qaraı oqytýdyń sapasy men sózdik qor kólemin anyqtaıtyn normatıvti salystyrmaly keste.
Sózdik qor boıynsha esepteýler Sabaqta synyptaǵy oqýshylar sanyna baılanysty sapa normatıvin esepteý
Synyptar Sózdik qor normatıvi Synyptaǵy oqýshylardyń jalpy sany Sapa normatıvi: 63% oqýshylar synypta normany oryndaýy tıis
7-11 63 21-20 13
Besinshi belgileý barlyq oqýshylardyń nátıjeleri boıynsha qosý nemese alý belgileri qoıylady.

Vİİİ. Túısiný
1. Synyptyń materıaldy meńgerý deńgeıi anyqtalady.
2. Sabaqtyń nátıjesin eskere otyryp sol taqyryp boıynsha jumys ýaqyty boljanady. Muǵalim taǵy da taqyryptyń aıaqtalýyn boljap, «Aýyzsha saba 3» kartasyndaǵy oıyn erejeleriniń múmkindikterin aıtady.

İH. Baǵalaý Jýrnalǵa baǵa qoıý kelesi normatıv boıynsha júzege asyrylady: - 4- 5 belgi – 5 upaı. - 3 belgi – 4 upaı. -2 belgi – 3 upaı. -1 belgi – 2 upaı.
Sapa normatıvi: oqýshylardyń 63% 5 upaıdan alýy tıis.
H. Úı tapsyrmasy: 4 belgiden kem alǵan oqýshylar úıge tapsyrma alady. Taqyrypty tolyqtaı oqyp kelý