InfoHub Logo

Belgili rejıser Aqan Sataevtyń birinshi áıeli áleýmettik jelide ómirindegi eń aýyr kezeńderdiń biri týraly áserli jazba jarıalady. Ol sábıinen erte aıyrylǵanyn aıtyp, jyldar ótse de júrektegi jaranyń jazylmaǵanyn jetkizdi.

Bul týraly Infohub.kz aqparat agenttigi habarlaıdy.

«Búgin meniń qyzym Tomırıs 32 jasqa tolar edi. Biraq ol nebári 9 kún ǵana ómir súrdi. Otyz jyldan astam ýaqyt ótse de, sol kúnnen keıingi jan túrshigerlik tynyshtyq áli esimde. Sol kezde onyń bir ret tynys alǵany úshin, bir ret jylaǵany úshin, ony qushaǵyma bir sát ustaý úshin barymdy berer edim. Biraq ondaı múmkindik bolmady… Sol kezde anam maǵan tirek boldy. Júregim men tánim jaralanyp qaldy, al omyraýymdaǵy sút basqa sábıdi aman alyp qaldy — meniń “sút balam” bar», – dep jazdy ol.

Keıin ómir jalǵasty. Qudaı maǵan bes bala syılady. Men olardy ósirip, ár sátin baǵaladym: balany qushaqtaý, alǵashqy qadamdaryn kórý, kúlkisin estý – bul ózdiginen beriletin nárse emes. Bul – kez kelgen adamǵa buıyra bermeıtin úlken syı», – dedi ol.

Ol qazirgi tańda da bul qaıǵy júreginde saqtalǵanyn aıtyp, ata-analarǵa mańyzdy úndeý jasady. «Búgin men bul jazbany aıanysh úshin emes, eske salý úshin jazyp otyrmyn. Sharshadym dep, qyńyrlyǵy úshin nemese uıqysyz túnder úshin balalaryńyzǵa renjimeńizder. Ómir qysqa ári boljaýsyz. Bári Allanyń qolynda. Balalar – bizdegi eń qymbat baılyq. Olardy qadirleńizder, eshqashan teris aınalmańyzdar», – dep túıindedi ol.