InfoHub Logo

Fızıka páni muǵalimi Nýrman Kymbatov

Sabaqtyń taqyryby: Birqalypty túzýsyzyqty qozǵalys grafıgi
Sabaqtyń tanymdyq maqsaty: Oqýshylarǵa qozǵalys teńdeýin túsindirip, deneniń bastapqy ornyna, jyldamdyqqa baılanysty, kez - kelgen ýaqyt mezetindegi deneniń sońǵy ornyn anyqtap úıretý, grafıgin turǵyzý.
Kútiletin nátıje: Oqýshylar qozǵalys teńdeýin túsinedi;
Deneniń bastapqy ornyna, jyldamdyǵyna baılanysty kez - kelgen ýaqyt mezetinde deneniń sońǵy ornyn anyqtaı alady;
Birqalypty túzý syzyqty qozǵalatyn dene qozǵalysynyń grafıgin turǵyza alady.

Muǵalimniń is - áreketi
1. Sabaqqa ený «Qas qaǵym sát» uıymdastyrý;
2. Eksperımenttik tapsyrma.

1. Muǵalim túsindirmesi:
Kórnekilik úshin qozǵalysty grafık kómegimen sıpattaýǵa bolady. Birqalypty túzýsyzyqty qozǵalysty grafık túrinde qarastyraıyq. Bastapqy t0=0 mezetinde deneniń koordınatasy h0, al kez kelgen t ýaqyt mezetindegi koordınatasy h bolsyn.
2. Sonda oryn aýystyrý qalaı órnekteledi?
3. Muǵalim túsindirmesi:
Al birqalypty qozǵalys kezindegi oryn aýystyrý S=υ•t ekeni belgili. Mundaǵy jyldamdyq turaqty shama bolǵandyqtan, birqalypty qozǵalatyn deneniń oryn aýystyrýy qozǵalys ýaqytyna týra proporsıonal. osy órnekti salystyra otyryp, bylaı jazýǵa bolady: h - h0=υ•t. Órnekti h0-di teńdiktiń oń jaǵyna shyǵaryp, bylaı órnekteı alamyz: h= h0+υ•t
4. Bul órnek qalaı atalady dep oılaısyzdar?
5. Osy teńdeýdi qoldana otyryp, deneniń kez - kelgen ýaqyt mezetindegi koordınatasyn tabýǵa bolady.
6. Mysaldar keltirý. Synyp oqýshylaryn 3 topqa bólip, mysaldar berý, oqýshylar tobymen talqylaý.