InfoHub Logo

«Biz baqytty otbasy»
Maqsaty: Ata - analar men saıysqa qatystyra otyryp balanyń ata - ana ómirindegi mańyzyn, ata - analardyń balalarǵa degen tárbıesin kórsetý. Halyq aýyz ádebıeti, salt - dástúri týraly bilimderin baıqaý. Otbasy – Otannyń bir bólshegi ekendigin uǵyndyryp, balalardy yntymaq pen birlikke, tatýlyq pen uıymshyldyqqa tárbıeleý

Tárbıeshi: Jınalyppyz sátti kún bárimizde
Úlken - kishi jasymyz kárimizde
Tórletińder qadirli qonaqtarym
Gúl - gúl jaınap myna bizdiń tórimizge.
Otbasy - bir túbirden taraǵan. Adamzat balasy shyr etip dúnıe esigin ashqan kúnnen bastap, sol ortaǵa beıimdelip yqpalyna kónip er jetedi. Bala baqyt, bala qýanysh, ómirdi jalǵastyrýshy, demeýshi ata - ana tárbıeleýshi.
Áke asqar taý,
Ana móldir bulaq,
Bala jaǵasyndaǵy quraq tárbıe tal besikten bastalady. Áke meıirimi men quryshyn qandyryp, ana sútinen nár alyp, áke ulaǵaty men ana taǵylymyn kórip ósken urpaq elin, jerin, halqyn súıetin ultjandy tulǵa bolyp qalyptasady. Otbasy – bul qoǵamnyń negizi. Balanyń bolashaqta jaqsy azamat bolyp ósýi úshin, jan - jaqty tárbıeli bolýy otbasynda beriletin tárbıege tikeleı baılanysty.
Búgingi bizdiń balabaqshamyzda uıymdastyrylyp otyrǵan «Biz baqytty otbasy» atty saıys ótkeli otyr.
Olaı bolsa, osy saıysymyzǵa qatysýshy otbasylarymyzdy ortaǵa shaqyraıyq.

1. Jaqsy adam kimge bolsyn bolar pana,
Mol onyń tal boıynda aqyl sana
Kórkine aqyly da saı keletin
_______________ otbasy ortamyzda.

2. Qýantady bilimimen bárimizdi
Qol soǵypqarsy alaıyq endi ony
______________ otbasy kelip qaldy
Tatýlyqty tý etken otbasy bul

3. Jigitke aqyl, bilim jarasady
Naǵyz er halqymenen sanasady
Saıysqa bar kúshimdi salamyn dep
_______________ otbasy talasady.

4. Otbasylyq oıynǵa,
Keldik bizder asyǵa.
Juldyzdaı bolyp jarqyrap
Shyǵamyz biz top jaryp __________ otbasy.

Aldymen saıys kezeńderimen tanystyraıyq.
1. Tanystyrý.
2. Dástúrińdi saqtaı bil (kórinis)
3. Maqal - máteldi jalǵastyr. Jumbaqtyń sheshýin tap.
4. «Kóńildi aspazdar».
5. Polıglot.
6. Sýret salý
7. Sán úlgisi.
Keldi mine búgin synaýǵa
Synalyp úlkenderden úlgi alýǵa
Salty bar ónerli osy ortada
Berer dep ádilqazy ádil baǵa,
- dep ádil qazylardy tanystyryp óteıik.

1.
2.
3.

İ Kezeń
Báıge jarys degen soń jarysaıyq
Márede bárimizge tabysaıyq
Bul baıqaýdy bıssmıllá dep bastaý úshin
Aldymen áýlettermen tanysaıyq,- dep óz otbasyn tanystyrý bólimin bastaımyz.

İİ Kezeń

Ata - ana degen tirshiliktiń ıesin
Syılaıtynyn adal bala bilesiń
Ómir balyn tamyzar da erinińe
Shymyrlatyp eritken bar júıesin - dep saıysymyzdyń ekinshi bólimi. Dástúrińdi saqtaı bil.

Kórinis.

İİİ Kezeń

3 Sheber bolsaq, til baıyp,
Sheshendikter bir ǵaıyp.
Maqal - mátel úırenip,
Tilimizdi shyńdaıyq,- dep kezekti Maqal - máteldi jalǵastyr. Jumbaqtyń sheshýin tap. saıysyna kezek bereıik.

1. Qarǵa balasyn appaǵym der,
Kirpi balasyn ___________ ( jumsaǵym der)
2. Atanyń kóńili balada,
Balanyń _____________ (kóńili dalada.)
3. Otan____________ bastalady. (otbasynan)
4. Qabat - qabat qattama,
Aqylyń bolsa attama. Kitap
5. Qardaı appaq, baldaı tátti – aq. Qant.

1. Ine ótken jerden _______________ (jip óter)
2. İnisi bardyń tynysy bar,
Aǵasy bardyń _________________ (jaǵasy bar)
3. Balaly úı bazar,
Balasyz úı___________ ( qý mazar)
4. Ursań jerde zýlaıdy,
Jerde qarǵyp turmaıdy.
Tıip ketse basyna,
Eshbir zıan tımeıdi. Dop
5. Jylt – jylt etken, jyradan ótken. Sý

1. Bas ekeý bolmaı,
Mal ______________ (ekeý bolmas.)

2. Ananyń izin qyz basar,
Atanyń ____________ (izin ul basar)

3. Jyly – jyly sóıleseń,
_________________ (Jylan ininen shyǵady.)

4. Ári qyzyl, ári tátti.
Tatqan jandy tańyrqatty. Alma
5. Tilden ushyp,
Qulaqqa qonady. Sóz

İV kezeń
Kirpigimniń ár qaǵysyn sanaǵan
Kóz aýdarmaı kúndiz túni qaraǵan
Aınalamda júrgenderdiń birinen
Bar ma anamdaı tirligime jaraǵan - deı kele kelesi kezekti analar saıysyna kezek beremiz. Saıys «Kóńildi aspazdar» dep atalady.

V kezeń.
Ystyq - aý kim - kimge de áke degen
Sýyqqa shalyndyrmaı mápelegen
Ómirdiń soqpaǵymen órge tartyp
Aldymen adam bol dep jetelegen
Jas edim ómirge erkin boılamaǵan
Kúni erteń ne bolaryn oılamaǵan
Sharyqtap ketsem daǵy qanat qaǵyp
Ózińdeı qamqor áke qaıda maǵan deı kele kelesi kezekti ákeler saıysyna beremiz. Saıystyń sharty boıynsha saıysqa qatysýshy ákelerimiz belgili bir ýaqytta kez - kelgen taqyrypqa sýret salyp berýi qajet. Án Arýna

VI kezeń. Polıglot.
Qatyssańdar kóterer kóńil kúıin,
Oıynnyń oınaısyzdar neshe túrin.
Sózderden kóp jańa sóz qurap shyqsa,
Maqsatqa jetemiz – aý biz de búgin. (Altybaqan sózinen sóz qurastyrý)

VIİ kezeń.
Ádemi bolyńdar, ásem bolyńdar,
Sonymen birge aqyldy bolyńdar.
Sulý bolyńdar, symbatty bolyńdar,
Sonymen birge sanaly bolyńdar.
Sabyrly bolyńdar, salıqaly bolyńdar,
Sonymen birge salaýatty bolyńdar.
Iá jaqsylyqqa shyn seneıik
Otbasynyń, bir bıikke teńeıik.
Al endi sándik úlgisin kórsetsin Otbasylarǵa kezek bereıik - deı kele saıyskerler ózderiniń oı qıaldarynan jasaǵan sán úlgisin balalaryna kıgizip kórsetedi.
Sóz kezegin ádil qazylarǵa bereıik.

Qurmetti ata - analar, balalar jáne qonaqtar búgingi
«Otbasy - baqyt mekeni» aptalyǵy aıasynda «Biz baqytty otbasy» atty saıysymyz óz máresine jetti barlyqtaryńyzdyń otbasylaryńyzǵa baqyt, bereke jáne birlik tileımiz.

Kóńil qoıyp tyńdaǵandaryńyzǵa kóp - kóp raqmet!

Mańǵystaý oblysy, Túpqaraǵan aýdany,
Baýtın aýyly, "Aqbota" balabaqshasynyń
dene shynyqtyrý nusqaýshysy
Ermekbaeva Amankýl Ersaıynovna