InfoHub Logo

Biz meıirimdi otbasy»

otbasylyq saıys

Maqsaty: Balabaqsha men ata –analar arasynda yntymaqtastyq ornata otyryp,ata-ana men bala arasyndaǵy meıirimdilikti,adaldyqty,izettilikti qalyptastyrý.

Kórnekiligi:  Grafaproektor, mýzykalyq dybys kúsheıtkish,  kóriniske saı

bezendirýler.

  Júrgizýshi:

Búgin bizdiń baqshada dúbirli toı,

Den qoıyp tyńdańyzdar,kóńildi qoı.

«Biz meıirimdi otbasy» saıysynda,

Kóreıik tamashany sergisin boı.

Meıirimdilik – jaratylysty ýyzdaı uıytqan eń basty qundylyq. Meıirimdilik, tatýlyq, dostyq, bolmasa kúlli álem maǵynasyz bolyp, zulymdyq bılep alar edi. Óıtkeni ǵalamdaǵy barlyq nárse meıirimnen jaratylǵan. Meıirimdilik belgili bir tártippen úılesim tabady. «Meıirimdi otbasy» degende,kóz aldyńa ýyzdaı uıyǵan tatý-tátti,baqytty otbasy elesteıtini anyq. Osy meıirimdiliktiń tatýlyqtyń, birliktiń týyn ustaǵan otbasylardy ortaǵa shaqyramyz.

1. Jetkergen otbasy

2. Týataı otbasy

3. Ámirbaı otbasy

4. Tuńǵatarovtar otbasy

Otbasylar mýzyka yrǵaǵymen qarsy alynyp, tıisti oryndarǵa otyrǵyzylady.

 

-Qurmetti ata –analar! Aspanymyz ashyq, kúnimiz jaryq bolsyn dep sheńber  boıyna  turyp, bir – birimizge meıirimimizdi tóge otyryp «Árqashan kún sónbesin!» ánin oryndaıyq.

Án : «Árqashan kún sónbesin!»

Júrgizýshi:

Anań – kúniń, júregiń,

Ákeń — ómir  tiregiń,

Sen baqytty ulansyń

Bári saǵan qýansyn.

Ájeń asyl ardaǵyń,

Atań dana qorǵanyń,

Sen baqytty ulansyń

Bári saǵan qýansyn –

-dep «Biz meıirimdi otbasy» saıysyna qatysýshy  otbasylardyń baqytty sáterinen túsirilgen beınerolıgin tamashalaıyq.

Mýzyka áýenimen ortaǵa Zulym  hansha shyǵady.

Zulym hansha sıqyrly aınasyna qarap:

-Meniń sıqyrly aınam, qane, jer betine zulymdyq pen jaýyzdyqty nege ornata almaı jatyrmyz, oǵan ne nárse kedergi bolyp jatyr?

Aına (daýys esteledi):

-O, meniń ámirshim, men jer betine  zulymdyqty  ornatqym kelse de qolymnan keletin emes.   Jel soqqanda, tynys alǵanda ǵana sezinetin jutqan aýa, kózge kórinbeıtin meıirim men myń burala aqqan sý syldyrynyń ózi,  aqsha bulttar aıshyqtalǵan kók aspan tóbemizden meıirimin birde kún shýaǵy bop tókse, birde jańbyr bop jer betiniń meıirin qandyryp tur.   Bul dúnıede barlyq zulymdyq ataýlynyń barlyǵyn jer betine jibersemde adamdardyń bir  birine degen dostyǵyn, tatýlyǵyn, qaıyrymdylyǵyn, sonyń ishinde otbasylyq tatýlyq pen birlikti jeńe almadym.

Zulym hansha:

-Joq, biz ony qaıtsek te joıýymyz, qurtýymyz kerek. Meni sol otbasyna jetkiz. Men olarǵa kedergi bolamyn. (ketip bara jatyp qolyndaǵy aınasyn laqtyryp, joldaǵy tasbaqany aýdaryp, gúlderdi qulatyp shyǵyp ketedi)

Osy kezde mýzyka oınalyp  meıirimdi hansha shyǵady. Jolyndaǵy keri aýdarylyp qalǵan tasbaqyny aýdaryp, gúlderdi ornyna keltirip:

-Oı, kishkentaı tasbaqa sende meıirimge zar bolyp otyrsyń ba? Ǵalamdaǵy barlyq nárse aınalasyna shashý shashatyn meıirimdilikti tileıdi. Árbiri meıirimdilikti ańsaıdy. Kez kelgen jaratylysqa meıirimdilik tanytsań, óziniń de meıirimge bólenseń.

Tasbaqa:

-Durys aıtasyń meıirimdi hanshaıym. Eki kóziń ne úshin kerek, jaqsylardy kórý úshin. Eki qolyń ne úshin  kerek, elge kómek berý úshin kerek. Seniń meıirimdiliginiń, qaıyrymdylyǵynyń arqasynda jolyńdaǵy kómekke zárý jandarǵa kómegińdi  berip kelesiń, soǵan rızamyn. Saǵan kóp rahmet. Meniń kishkentaı balama kómekteskenińe rahmet.

Tasbaqa men meıiridi hanshaıym aınalasyna qarap:

— Meıirimdi hanshaıym myna jerge meıirimdiliktiń shashýyn shashqan, jyryn jyrlaǵan, ánin shyrqaǵan otbasylar jınalyp qalypty. Qarashy barlyǵy da jarasymdy.

Meıirimdi hanshaıym adam meıirimilikti áýeli júreginiń jylýy arqyly bildiredi emes pe? Mynaý turǵan júrekshelerdi ne sıqyry bar eken.  Mine qyzyq munda túrli suraqtar jasyrylǵan eken. Endeshe árbir otbasy osy suraqtarǵa jaýap bersin.

Ata – analar júreksheler ishinen bir – bir  suraq alyp jaýap beredi.

Zulym hansha kiredi:

-Bul jaýaptar jalǵan men kelispeımin.

Meıirimdi hanshaıym:

-Joq, siz olaı demeńiz. Múmkin siz bizben birge myna saıysty kórseńiz meıirimdiliktiń, jylýlyqtyń, qaıyrymdylyqtyń ne ekenin túsinetin shyǵarsyz.

Zulym hansha:

-Men ondaıdy túsingim kelmeıdi. Meıirimdilik degendi ataı kórme.

Tasbaqa:

-O, hanymym siz osy saıstyń  aıaǵyna deıin qatysyp kórińizshi. Sonda sizdiń peıilińiz kózqarasyńyz ózgeredi.

Zulym hansha:

-Jaraıdy. Kórsem kóreıin.

Tasbaqa:

-Endeshe kelesi saıysymyz bastaıyq. «Men kishkentaı kómekshimin» saıysy. Analarymyz kir jýsa, balalary kirdi qaǵyp jipke jaıyp, qystyrǵyshpen qystyrady.

Meıirimdi hansha:

Saısymyzǵa arnalady búgin bıler,

Kóterilsin qanekeı kóńil kúıler.

Aldaryńyzǵa shyǵady bıshi qyzdar

Qoshametpen qarsy alaıyq kórermender

«Andıjan» bıi ortańǵy «Botaqan» top tárbıelenýshileri.

Tasbaqa:

-Endigi saısymyz «Tátti qumarlar»- dep alsaq qaıtedi. Óıtkeni otbasynda túrli merekeler bolady. Bul merekeler táttilersiz ótpesi anyq.  Qazir sizderge túrli táttiler beriledi. Mýzyka toqtaǵansha táttilerdi taýysýlaryńyz kerek.

 Meıirimdi hansha:

-«Aǵashtan aǵash reń alady, adamnan adam tálim  alady»- demekshi árbir ata –ana óz balasynyń tárbıeli de rýhanı azyǵy mol azamat bolyp ósýin tileıdi. Kelesi saıys túri «Sheberler otbasy». Sizderge túrli- tústi qaǵazdar, qaıshy, jelim, mata qaldyqtary, tabıǵı materıaldar beriledi. Osy berilgen zattardan balalaryńyzben birigip ne jasar edińiz.

Tasbaqa:

-Bizdiń otbasylarymyz jumystaryn  jasap bolǵansha bir keremet án tyńdaıyq. Endeshe eresek tobynyń tárbıelenýshisi Saparbek Araılymdy ortaǵa shaqyraıyq.

Zulym hansha:

-Meirimdi hansha, tasbaqa myna otbasylardy kórip tas bop qatqan júregim jylyp keledi.  Kelesi shartty men aıtsam  bola ma? Men ertegiler elinen keldim emes pe, sondyqtan  «Meniń súıikti ertegilerim» dep atalatyn saıysqa shaqyrǵym keledi.

 Saıys túri:  Otbasylarǵa mýlttoptamalar men ertegiler sýretteri taratylyp beriledi, sol mýlttoptama  men ertegilerde  oryndalatyn ándi oryndap berýi tıis.

(«Aldarkóse», «Krakadıl Gena jáne Chebýrashka», «Quıyrshyq», «Baýyrsaq»)

«Bolashaqty birge boljaıyq» Ata -analarǵa balanyń  sýreti salynǵan plakat beriledi. Plakattaǵy bala sýretin ata –anasy, balasy úsheýi túrli boıaýlarmen bolashaqta balalarynyń qandaı bolatynyn beıneleıdi.

Zulym hansha: Meıirimdi hanshaıym, men senderge kóp qıanat jasaǵan ekenmin.  Myna meniń  tas bop qatqan júregim jibip,mynadaı birligi jarasqan otbasylardy kórip, sen sekildi júregi jumsaq meıirimdi jandardy kórip, zulymdyq pen qatigezdik, aramdyq pen jaýyzdyq adamǵa esh paıda ákelmeıtinin bildim. Endi  jer betinde tek tatýlyq,birlik, yntymaq,dostyq ornasyn! Adamdardyń júregii meıirimdilikke,ımandylyqqa, qaıyrymdylyqqa toly bolsyn!

Saıysqa qatysqan otbasylar túrli nomınasıalarmen  marapattalady.

Júrgizýshi:

— Ǵalamdaǵy barlyq nárse aınalasyna shashý shashqan meıirimdiliktiń jyryn jyrlap ánin shyrqaıdy. Endeshe, osynyń barlyǵyn kórip, bilip, erik jigermen, túısigimen, sana – sezimimen túpki mánine boılap, baıybyna barǵan adam balasy da meıirimdiliktiń osynaý ǵamjap sımfonıasyna óz únin qosýǵa mindetti.  Ia, balalardyń bolashaǵy jarqyn bolý úshin, elimizdiń túpkir – túpkir jerlerinde kómek qajet etetin balalarǵa meıirimmen qarap, qaıyrymdylyq qoryn ashqan Sara Alpysqyzyna alǵysymyz sheksiz.

Ol adam – aqyldynyń aqyldysy

Ol adam – naǵyz bizge jaqyn kisi

Urpaq úshin tókken teri nóserdeı

Myń alǵys sizge, Sara Alpysqyzy

-Qurmetti ata –analar! Ónege otbasynan bastalady. Balalarymyzdyń boıyna sińgen izettilik – dórekilikke, qaıyrymdylyq – qatigezdikke, adaldyq  — aramdyqqa aýyspasyn degen tilegimizdi oryndaý urpaq aldyndaǵy uly mindet dep túsineıik.

---