Qostanaı muǵalimderi biryńǵaı kıim úlgisine aýysty
Qostanaı qalasynda birqatar mekteptiń pedagogtary biryńǵaı kıim úlgisine aýysty, dep Qostanaı jańalyqtary saıty habarlaıdy.
Biryńǵaı kıimge kıingen №1 mektep-lıseıdiń, №3 gımnazıanyń, S.Máýlenov atyndaǵy gımnazıanyń, №18 jáne 21 mekteptiń ujymdary formanyń túsin jáne úlgisin ózderi tańdaǵan.
Qostanaı ákimdigi bilim berý bóliminiń basshysy Vasılıı Symbalúktiń aıtýynsha, ustazdardyń bir stıldi kıim úlgisine ótýi boıynsha statısıka júrgizilmeıdi. Sebebi bul «joǵary» jaqtyń buıryǵy emes, ár ujymnyń óz bastamasy. Degenmen, bul bastamany quptaýǵa turarlyq dep esepteıdi. Sebebi, ustazdar osylaısha oqýshylarǵa úlgi bolýda.
«Bizdiń ujymda áıelder kóp, sondyqtan forma jaket pen beldemsheden turady. Mereke kúnderi jáne jınalystarǵa aq jeıde kıý mindetti. Al qalǵan kúnderi basqa tústi jeıdelerdi aýystyryp kıýge bolady. Biz ata-analardan muǵalimderdiń formasy unaǵanyn estip jatyrmyz», - dedi №21 orta mekteptiń dırektory Anar Qabdýlınova.
You Might Also Like
-
Til - sarqylmas qazyna. Ult Kóshbasshysy aıtqandaı, ár azamat óziniń ulttyq tilin, ulttyq qundylyqtaryn bilýi tıis. Til bizdiń bolmysymyz, onyń qatysýynsyz eshteńe bolmaıdy. Jalpy qazaq halqy óziniń sh...
