InfoHub Logo

Muǵalim synyptaǵy zerek, biraq sonymen qatar ishitar oqýshydan: «Sen nege dostaryńa kóre almaýshylyq etesiń, olardyń jasaǵandaryn buzyp, tóbelesesiń de júresiń?» dep suraıdy. Oqýshy: «Óıtkeni olardyń menen ozyp ketýin qalamaımyn. Men ǵana úzdik, meniń jasaǵandarym ǵana eń jaqsy bolǵanyn qalaımyn» deıdi. Muǵalim sál oılandy da, ornynan turyp, taqtaǵa bir syzyq syzady. Álgi oqýshysyna qarap: «Myna syzyqty qalaı qysqartýǵa bolady?» dep suraıdy. Oqýshy ornynan atyp turyp: «Syzyqtyń jartysyn óshirip tastaımyn» dep jaýap beredi. Muǵalim bul jaýapty qabyl etpeıdi. Oqýshy biraz oılanyp, syzyqtyń bir bóligin qolymen jaýyp: «Mine qysqardy» dedi. Bul jaýap ta qate bolatyn. Durys jaýap ala almaıtyndyǵyn túsingen muǵalim taqtaǵa áýelgiden de uzynyraq syzyq syzyp: «Endi qalaı boldy?» dep suraıdy. Basy salbyraǵan oqýshy: «Endi qysqardy» dep jaýap berdi. «Biliktiligiń men qabiletińdi arttyryp, óz syzyǵyńdy uzartýyń, qarsylasyńnyń syzyǵyn qysqartýǵa tyrysýdan álde qaıda jaqsy» dep oqýshysyna ómirdiń barlyq kezeńinde kádege jaraıtyn tárbıelik sabaq berdi.

---