Photo: Bia Limova (https://www.pexels.com/@bia-limova-1908542654) / Pexels
"Ol meniń qyzym emes" dep kúdiktengen áke úsh jasar sábıdi óltirdi
Pavlodar oblysy Tereńkól aýdanynda ákesi ógeı qyzyn aıaýsyz uryp, qazasyna sebepker boldy. Er adamnyń qyzynyń ózge erkekten ekenine kúdiktengeni aıtylýda. Bul týraly Ozgeris.info saıty habarlaıdy.
Tergeý málimetterine súıensek, 26 jastaǵy er adam áıelimen birge úsh jasar qyzy men bir jasar ulyn tárbıelep otyrǵan. Alaıda, ol tuńǵyshynyń ózge erkekten ekenine únemi kúdiktenip kelgen.
Prokýrordyń aıtýynsha, kúdikti 2025 jyldyń qańtar-qyrkúıek aılary aralyǵynda balany jıi uryp-soǵyp, tún boıy kereýetke baılap qoıǵan.
Qaıǵyly oqıǵa bolǵan kúni aıyptalýshy kórshisiniń monshasynda ishimdik iship, úıine oralǵan soń qyzyn alyp shyǵyp sabaǵan. Keıin ony kórshisiniń aýlasyna aparyp, beton edenge qatty laqtyrǵan.
Sotqa deıingi tergeý barysy
«Saǵat 22:00 shamasynda qyzyn ózimen birge monshaǵa alyp kirgen. Sodan keıin kıim aýystyratyn bólmede, mas kúıde balany joǵary kóterip, beton edenge ádeıi laqtyrdy», - deıdi prokýror kómekshisi Elena Korneva.
Osydan keıin kúdikti qyzyn aýdandyq aýrýhanaǵa aparǵan. Saraptama nátıjesinde balanyń baýyry jyrtylyp, ishine qan ketkeni anyqtaldy. Alǵan aýyr jaraqattarynan sábı kóz jumdy.
Qazirgi ýaqytta óz kinásin moıyndaýdan bas tartyp otyrǵan er adamǵa azaptaý jáne adam óltirý baptary boıynsha aıyp taǵylyp otyr. Ol ómir boıyna bas bostandyǵynan aıyrylýy múmkin.
-
V Bangladesh otes sovershıl geroıcheskıı postýpok, spasaıa svoego malenkogo syna, ýpavshego mejdý platformoı ı poezdom.
-
A tragic case unfolds in Kazakhstan where a stepfather's suspicions led to the fatal beating of his young stepdaughter.
