InfoHub Logo

Qazaqstandyq tanymal ánshiler Janbolat pen Jazıranyń uly Qazbek Dýbaıdaǵy sońǵy sapary kezinde bastan ótkergen kútpegen oqıǵalar týraly áleýmettik jelide bólisti. Onyń aıtýynsha, demalys kezinde qaýipti jaǵdaıǵa tap bolyp, keıin elge oralý jolynda da qıyndyqtarǵa tap bolǵan.

Bul týraly Infohub.kz aqparat agenttigi habarlaıdy.

Qazbek Dýbaıda júrgende qalaǵa raketalar ushyrylǵanyn aıtyp berdi. Ol «Býrj Halıfanyń saý kezinde túsirip alaıyn» dep saqtaǵan qysqa kadr týraly aıta kelip, bir saǵattan soń ózderi turǵan úıdiń artyndaǵy qonaqúıge raketa túskenin jetkizdi. Sol kezde olar úıde bolýy kerek edi, biraq dostarymen kezdesýge shyǵyp ketken. Osydan keıin jarylystar birinen soń biri bolyp, olar zattaryn almaı, tek kıimderimen qazaq dostarynyń úıine baryp, úsh kún boıy sol jerde jasyrynǵan.

Stresske toly úsh kún

Qazbektiń aıtýynsha, bul úsh kún otbasy úshin óte stressti bolǵan. Kóz aldynda raketalar jarylyp, jerge túsip jatqanda, saǵat saıyn aspannan dybystar estilip otyrǵan. Toıǵa deıin azýy kerek edi degen oılary, ýaıymmen azyp ketýge ákelgen. Mundaı sátte durys sheshim qabyldaýdyń qıyndyǵyn da atap ótti.

Qaýipsizdik izdegen otbasy

Otbasy qaýipsiz jerge ketýdiń birneshe nusqasyn qarastyrǵan: tynysh Omanǵa barý, jaǵdaıdyń tynyshtalýyn kútý, Dýbaıdan ushaqpen ketý nemese memleketten kómek kútý. Aqyry olar Omanǵa barýdy jón kórgen.

Omandaǵy qıyndyqtar men elge oralý

Omanǵa jetkenimen, qonaqúı aınalasyndaǵy jóndeý jumystary men shýdan da shoshynyp júrgenderin aıtty. Odan keıin elge qaıtý da ońaı bolmaǵan. Aeroportta adamdar kóp, bir apta boıy bılet taba almaı júrgender de bolǵan. Otbasyna jetkilikti bılettiń bolmaýy nemese baǵasynyń tym qymbattyǵy da qıyndyq týdyrǵan. Mysaly, Indıaǵa bir bılet 500 myń teńgege baǵalansa, Taılandqa 1 mıllıon teńgeden bastalǵan. Biraq olar 7 adam bolǵandyqtan, tek 1-2 bılet tabý múmkin bolǵan. Aqyry, bir kúnde úsh ret ushaq aýystyryp, elge aman-esen jetken.

Qazbek bul sapardan keıin árqaısysynyń ómirge degen kózqarasy ózgergenin aıtty. Anasy ózine qaraýdy, ómirdiń rahatyn kórýdi oılasa, ózi qymbat bıletterden keıin Flyarystan-nyń arzan bıletterin izdeıtinin aıtyp, ázildedi.

Qazir Qazbek pen otbasy elge oralyp, jaǵdaıdyń jaqsy ekenin aıtty. Ol ata-anasynyń kóńil-kúıi men olardy elge tez jetkizý týraly ýaıymdaǵanyn da qosty.