InfoHub Logo

Oqý qyzmetiniń jospary
Top: İ - sábıler toby
Bilim berý salasy: «Komýnıkasıa»
Taqyryby: Bizdiń balalar qaıda eken?
Uıymdastyrylǵan oqý is - áreketi: «Sóıleýdi damytý»
Maqsaty: toppen tanystyrý, bólmelerdiń attaryn úıretý. Suraqtarǵa jaýap berýge úıretý. Uqyptylyqqa baýlý.
Kórnekilikter: balabaqshanyń sýreti, oramal.
Sózdik jumys: jıhaz.
Bılıngvaldy komponent: jıhaz – mebel, as bólme – kýhná

Motıvasıalyq - qozǵaýshylyq
Balalarmen sálemdesip: «Balalar, biz tańerteń balabaqshaǵa kelemiz», - deı otyryp, balabaqshany sýretten tanystyrady.
- Balabaqshamyz úlken, ádemi, aýlasy keń. Balalar, biz qazir top bólmesinde turamyz dep, balalardyń kóńilin top bólmesiniń ishine aýdarady.
Toptaǵy zattarmen tanystyrady:
- Mynaý – oryndyq, mynaý – oıynshyqtar turatyn jıhaz, onda oıynshyqty jınaısyńdar, topta taǵy da bólmeler bar. Mynaý – sheshinetin bólme, onda sheshinesińder, munda sheshinetin shkaftar turady. As bólmesinde ydystar turady. Ol ydystarmen tamaq ishesińder.
Mynaý – uıyqtaıtyn bólme, onda sender jatatyn kerýetter turady, onda uıyqtaısyńdar. Tobymyz úlken, ári jaryq.

Uıymdastyrýshylyq izdenistik

Balalardyń kóńilin oramalǵa aýdarady. «Oramal kimdi jasyrady eken», - dep, bir balanyń betine bir sátke jabady. Oramaldy qaıta ashyp: «Bul kim bolady eken?» degen suraq qoıady. Osylaı ár balamen oınaıdy. Árqaısysyna óz attaryn aıtqyzady. Tárbıeshi taǵy da suraqtar berip, balalardy kóńildendirip, suraqtarǵa jaýap berýge, sóıletýge úıretedi. Mysaly:
- Sen qaıda turasyń? Sen atyńdy aıtshy?
- Kimniń qasynda tursyń? Ol balanyń atyn bilesiń be? t. b.
«Bizdiń balalar qaıda eken?» dıdaktıkalyq oıyny. Úlestirmeli materıalda berilgen sýret boıynsha balalardyń qaıda tyǵylyp otyrǵanyn tapqyzý.

Almaty oblysy, Kerbulaq aýdany,
Qoǵaly aýyly, «Qarlyǵash»
balabaqshasynyń tárbıeshisi
Ibraeva Araılym Kakarmanovna
Bizdiń balalar qaıda eken? júkteý