t.me/kmgpress
«Bolashaq Opereıtıngtiń» bas dırektory taǵaıyndaldy
«QazMunaıGaz» ulttyq kompanıasynyń «Bolashaq Opereıtıng» atty enshiles uıymyna jańa basshy keldi. Endi bul kompanıany Jıesbek Orýnbasarov basqaratyn bolady.
Bul týraly Infohub.kz aqparat agenttigi habarlaıdy.
Jańa basshy kim?
Jıesbek Orýnbasarov 1975 jyly dúnıege kelgen. Ol Atyraý munaı jáne gaz ınstıtýtyn «Munaı jáne gaz uńǵymalaryn burǵylaý» mamandyǵy boıynsha támamdaǵan.
Eńbek jolyn «Ózenmunaıgaz» AQ-da slesar-montajshy bolyp bastaǵan.
Túrli jyldary gazdyq zertteý ınjeneri, Soltústik Kaspıı jobasy men Soltústik Buzashy ken ornynda burǵylaý jumystarynyń sýpervaızeri, «Kaspıı Merýert Opereıtıng Kompanı B.V» fılıalynyń óndiris jónindegi menedjeri, «Jambyl Petroleým» JSHS-niń óndiris dırektory, PSA JSHS ýákiletti organynyń tehnıkalyq top menedjeri, «Nort Kaspıan Opereıtıng Kompanı N. V.» fılıalynyń materıaldardy basqarý tobynyń basshysy, «ÓzenMunaıServıs» JSHS bas dırektorynyń birinshi orynbasary qyzmetterin atqarǵan.
Osy taǵaıyndaýǵa deıin «Isataı Opereıtıng Kompanı» JSHS-niń óndiris dırektory bolyp jumys istedi.
«Bolashaq Opereıtıng» týraly
«Bolashaq Opereıtıng» JSHS – «QazMunaıGaz» AQ-nyń 100 paıyzdyq enshiles kompanıasy. Bul uıym Mańǵystaý oblysyndaǵy jáne Kaspıı teńiziniń qazaqstandyq bóligindegi kúrdeli barlaý jáne óndirý jobasy «Bolashaq» boıynsha jer qoınaýyn paıdalanýshy bolyp tabylady.
-
Kazakhstan's Border Guard Service auctioned off veteran dogs, sparking debate about animal welfare and the value placed on service animals.
-
Jiyesbek Orunbasarov has been appointed as the new General Director of 'Bolashak Operating', a subsidiary of KazMunayGas, overseeing significant exploration and production projects.
