«Bolashaq» stıpendıasynyń ıegerleri anyqtaldy
Shetelde mamandar daıarlaý boıynsha respýblıkalyq komısıa otyrysynyń sheshimi boıynsha 234 úmitkerge «Bolashaq» halyqaralyq stıpendıasy taǵaıyndaldy. Stıpendıa ıegeri atanǵandar sheteldik joǵary oqý oryndarynda magıstratýra, doktorantýra baǵdarlamalary boıynsha bilim alady. Sondaı-aq, álemdik ǵylymı jáne óndiristik ortalyqtarǵa taǵylymdama boıynsha da jiberiletin bolady.
Tolyq tizimdi myna siltemeden kórýge bolady.
Eske sala ketsek, Aqordada Qyrymbek Kósherbaevtyń tóraǵalyǵymen Shetelde kadrlar daıarlaý jónindegi respýblıkalyq komısıanyń kezekti otyrysy ótti. Komısıa otyrysynda bilim jáne ǵylym mınıstri A.Aımaǵambetovtiń Shetelde kadrlar daıarlaý jónindegi respýblıkalyq komısıanyń hattamalyq tapsyrmalarynyń oryndalýy týraly esebi tyńdaldy, sondaı-aq, «Bolashaq» baǵdarlamasynyń iske asyrylýyna qatysty birqatar másele talqylandy.
«Bolashaq» stıpendıatynyń múliktik kepili jumys berýshi kelisimshartymen almastyrylýy múmkin. Ortalyq komýnıkasıalar qyzmetindegi baspasóz máslıhatynda QR Bilim jáne ǵylym vıse-mınıstri Rústem Bıǵarı osylaı málim etken edi.
Sondaı-aq, 2020 jyldan bastap «Bolashaq» stıpendıasyna arnalǵan kvotanyń barlyq túri alynyp tastalady.
You Might Also Like
-
Janalǵysh Qorqyttyń janyn almaqshy bolyp, óksheleı qýyp qoımaıdy. Sonda Qorqyt taǵy da bir amalyn keltirip, ózinen aýmaıtyn qyryq sýret salady da, qyryq birinshi bolyp qataryna ózi otyra qalady.
-
Ajaldan qashqan Qorqyt dúnıeniń tórt buryshyn sharlaǵanda janynan saýǵany óziniń kindik jurty Syrdyń sýynan tapqan ǵoı. Jelmaıasynyń jabýyn sý ústine tósep, oǵan jaıǵasa otyryp alyp, qara qobyzyn bebeý...
