InfoHub Logo

11 synyptar
Psıhologıalyq trenıg taqyryby: “Bolashaqqa bir qadam”

Sabaqtyń maqsaty: oqýshylardyń krızıstik kezeńderde ózin - ózi basqarý jáne baqylaý, qorqynysh pen úreı kedergilerin jeńý daǵdylaryna úıretý, óz - ózine, kúshterine jáne óz múmkindikterine senimdilikterin joǵarylatýǵa yqpal jasaý.
Mindetteri:
1. Senimdi minez - qulyq daǵdylaryn ıgerý, qorqynysh fenomenimen tanysyp, ony joıý;
2. Psıhıkalyq qysymnan bosańsýǵa úıretý;
3. İshki rezervke arqaý bola otyryp, ózindik baqylaý daǵdylaryn damytý;
4. Óziniń áreketteri men ustanymdaryn taldaýdaǵy jeke bas jaýapkershilikti sezinýge kómektesý.

Qajetti qural - jabdyqtar: ınteraktıvti taqta, bet qaǵazdar, túrli - tústi qaryndashtar, kartochkalar, t. b.
Ádis - tásilder: áńgime, mını - leksıalar, artterapıalyq jáne medıtatıvti tehnıkalar, taldaý, toppen jumys, test, demonstrasıa jáne t. b.

Sabaq barysy:
1. Sálemdesý.
- Qaıyrly kún, aınalaıyn oqýshylar! Búgin sendermen qaýyshyp turǵanyma, aldaǵy 1 saǵat ýaqytymdy tek sendermen ótkizý múmkindigim úshin qýanyshtymyn. Búgin men sendermen, sender menimen, ózderiń ózara bir - birińmen jaqyndastyra túsetin, óz - ózimizdi tereńirek tanı túsetin, kózqarastarymyzdy ózgerte túsetin trenıń bolatynyna men senimdimin!
- Búgin tańerteń barlyǵymyz bir - birimizben amandasýdy umytqan joqpyz ba? Endeshe, «Amannyń artyǵy joq» demekshi, taǵy bir sálem berý kezegi keldi.
Sálemdesý sharty: júrgizýshi oqýshylardyń qandaı - da bir belgisin ataıdy, sol belgige sáıkes keletin oqýshylar tez oryndarynan turyp, bir - birine sálem beredi. Mysaly, «Tek qana uldar turyp, bir - birine «Sálem!» deıdi» nemese «Kimniń esimi «A» árpinen bastalady, solar ornynan turyp «Prıvet!» deıdi» jáne t. s. s.

2. Epıgrafpen tanystyrý.
«Taýdy ornynan qozǵalta alǵan adam usaq tastardy bir orynnan ekinshi orynǵa tasýdan bastaǵan eken. Álemdi ózgertkimiz kelse, BİZ eń aldymen ÓZİMİZDİ ÓZGERTÝİMİZ KEREK» (Sokrat)
Talqylaý, óz oılarymen bólisý.

3. Suraqtardy talqylaý.
- Balalar, sender bolashaq týraly kóp oılaısyńdar ma?
- Bolashaq senderge qandaı bolyp kórinedi: JARQYN BA álde BULYŃǴYR MA?
- Sender bolashaq týraly qorqynyshpen oılaısyńdar ma?
- Al bolashaqty neshe aı nemese neshe jyl aldyǵa elestete alasyńdar?
- Sender ótken shaq nemese bolashaq tyń qaısysy jaıly kóbirek oılanasyńdar?
Statısıkaǵa súıensek, SÁTTİ ADAMDAR ýaqytynyń 70% bolashaq týraly oılaýmen ótkizedi eken. Al JOLY BOLMAITYN SÁTSİZ adamdar ýaqyttarynyń 90% ótken ómiri týraly oılaýmen ótkizedi eken. Jáne sender, balalar, alys bolashaqty elestete alsańdar, sender sátti bolady ekenderiń ras.
Qupıa emes, kóbimiz bolashaq jaıly negatıvti oılaımyz. Bolashaǵymyz úshin qorqynysh dál qazirgi shaqtaǵy áreketterimizdi toqtatyp tastaıdy. Al kóptegen adamdar, kerisinshe, barlyǵyn óz baqylaýyna alyp, jeńe alady.
Álsiz adamdardy QORQYNYSH kúıretedi, buzady, al KÚSHTİ adamdar qorqynyshtyń ózin buzady eken.

4. «Shynymdy aıtsam» jattyǵýy
«Balalar, ınterbelsendi taqtada aldyn - ala daıarlanǵan «aıaqtalmaǵan sóılemder» berilgen. Árbireýiń bir sóılemdi oqyp, tez, basyna alǵash kelgen jaýapty aıtýlaryń tıis. Shynaıy jaýap berýleriń tıis. Eger de bireý jaýaptyń shynaıylyǵyna kúmándansa, ol bala taǵy bir sóılemdi aıaqtaýyna týra keledi. Al, endeshe, bastaıyq.

Sóılemder:
 SHYNYMDY AITSAM, aldaǵy ómirim týraly oılaǵan kezde...
SHYNYMDY AITSAM, men UBT týraly oılaǵan kezde...
 SHYNYMDY AITSAM, úıge kelgen kezde...
 SHYNYMDY AITSAM, men konsýltasıaǵa kelgen kezde...
 SHYNYMDY AITSAM, men kóshede qydyryp júrgende nemese dıskotekaǵa barǵanda...
 SHYNYMDY AITSAM, men qatty tolqyǵanda...
 SHYNYMDY AITSAM, men oıymdy jınaqtaı almaı qalǵan kezde...
 SHYNYMDY AITSAM, osy UBT týraly oılaǵan kezde...
 SHYNYMDY AITSAM, men... týraly oılaǵanda qorqynysh sezimi týyndaıdy.
 SHYNYMDY AITSAM, men mektepke kelgen kezde...
 SHYNYMDY AITSAM, men bolashaǵymdy elestetken kezde...
 SHYNYMDY AITSAM, qazir ózimdi... sezinemin
 SHYNYMDY AITSAM, sońǵy kezde...
 SHYNYMDY AITSAM, ótken ómirim maǵan... bolyp kórinedi
 SHYNYMDY AITSAM, bolashaǵym maǵan... bolyp kórinedi.
 SHYNYMDY AITSAM, aldaǵy UBT - ge qatysty ata - anamnyń ýaıymdaǵanyn oılasam...
Talqylaý: sóılemderdi aıaqtaý qıyn boldy ma?
Ózderiń úshin jańa jáne qajet málimet ala aldyńdar ma?
5. Topqa bóliný.
4 topqa bóliný úshin oqýshylarǵa 4 zatty tańdaý usynylady. Ol zat ózińe unaıtyn, ózińe jaqyn zat bolýy tıis (sábiz, jumyrtqa, aǵash, kofe).

6. Toppen jumys
Topqa bólingennen keıin ár topqa kelesi suraqtar talqylaýǵa beriledi?

1. Jalpy, qorqynyshtan arylý qandaı ózgeristerge ákeledi? Paıdasy?
2. Qorqynysh/úreı máselesin sheshýdiń bir joly – óz qorqynyshyńdy qabyldaý.
3. Qorqynysh/úreı máselesin sheshýdiń bir joly – óz qorqynyshyńdy qorqytý.
4. Qorqynysh/úreı máselesin sheshýdiń bir joly – óz qorqynyshyńdy jaqsy kórý.
Ár top óz oılaryn ortaǵa salady, talqylaıdy.

7. Praktıkalyq bólim
Osy qarastyrylǵan tásilderdiń birnesheýin oryndap kóreıik.
«Namtok» tehnıkasy.
1 oqýshy ınterbelsendi taqtamen jumys istese, qalǵandary ornynda jumys isteıdi.