InfoHub Logo

Ulybrıtanıanyń Victoria Oil & Gas kompanıasy Qazaqstanǵa qarsy halyqaralyq arbıtrajǵa júgindi. Kompanıa 2008 jyly Kemerkol munaı ken ornyndaǵy jer qoınaýyn paıdalaný quqyǵynan aıyrylǵanyn zańsyz dep sanaıdy.

Aıta keteıik,Victoria Oil & Gas 2005 jyly Saga Creek Gold Ltd kompanıasynan Kemerkol ken ornyndaǵy 100% úlesti 8,5 mıllıon dollarǵa satyp alǵan. Kompanıa geologıalyq zertteý jumystaryn júrgizip, munaı qoryn 15 mıllıon tonna dep baǵalaǵan. Alaıda 2008 jyly belgisiz sebeptermen jer qoınaýyn paıdalaný kelisimsharty kúshin joıǵan.

Sol jyly bul quqyq "Baqyt Taý" JSHS-ne 360 mıllıon teńgege berildi. Al 2016 jyly "Baqyt Taý" JSHS atalǵan ken ornyn 1 360 mıllıon teńgege "Ap-Nafta Opereıtıng" JSHS-ne satqan.

Victoria Oil & Gas Qazaqstannyń Energetıkalyq hartıa aıasyndaǵy mindettemelerin oryndamaǵanyn málimdeıdi. Brıtandyq ınvestorlardyń aıtýynsha, bul oqıǵa halyqaralyq quqyq normalaryna qaıshy keledi jáne olardyń ınvestısıasyna nuqsan keltirgen.

Qazirgi ýaqytta halyqaralyq arbıtraj bul isti qarastyrýda. Daýdyń sheshimi Qazaqstannyń sheteldik ınvestorlar aldyndaǵy bedeline áser etýi múmkin.