InfoHub Logo

Sabaqtyń taqyryby: Buǵyshaq pen onyń serigi.
Sabaqtyń maqsaty:
Bilimdik: ertegini oqyp, mazmunyn túsinýge, ómirmen baılanystyra otyryp, ıdeıasyn ashýǵa múmkindik berý.
Damytýshylyq: sózdiń mán - maǵynasyn ajyratýǵa jattyqtyrý.
Tárbıelik: shyǵarmashylyq jumystar arqyly óz betimen jumys jasaýǵa jaǵdaı týǵyzý, máseleni sheshýdegi batyldyq, izdenýshilik qasıetteri men daǵdylarynyń damýyna múmkindik jasaý, erik berý.
Sabaqtyń kórnekiligi: toptaý syzbasy, buǵy sýreti.
Sabaqtyń barysy:
1. Qyzyǵýshylyǵyn oıatý.
Oqýshylar toppen otyrady.
Oqýshylardyń qyzyǵýshylyǵyn oıatý maqsatynda, ár topqa tapsyrma berý.
- Balalar, mysaly, sender úıden shyǵarda, bir jaqqa keterde ata - analaryń qandaı eskertýler aıtady? ( Oqýshylardyń jazǵan sózderin tyńdaý. Siz kútpegen sózder bolatynyna daıyn bolýyńyz kerek ekendigi anyq).
- Bul sózder kúnde aıtyla ma?
- Al kúnde aıtqan saıyn, sender qandaı jaýap qaıtarasyńdar? (Oqýshylardyń aýyzsha jaýaptaryn tyńdaý). Sender kóshege, bir jerge joldas, serikterińmen shyǵasyńdar. Ata - anań da, sen de joldasyńnyń jaqsy bolǵanyn qalaısyńdar.
3. Maǵynany taný.
- Búgin biz osy jaǵdaı sıaqty «Buǵyshaq pen onyń serigi» atty ertegini oqımyz. Qazaq halqy jańyna ergen adamdy serik, joldas, saparlas dep ataıdy. Ol adam dos bolmaýy da múmkin. Sebebi adamdar qyzmet, oqý, jumys babymen birge júrýge týra keledi. senderdiń de joldastaryń óte kóp, al dosyń bireý ǵana bolýy múmkin.

Ertegini oqytý. Oqyp bolǵan soń, oqýlyqtyń tapsyrmalar bóliginen ekinshi, úshinshi suraqpen jumys jasaý. Bul jerde oqýshylardyń óz ómirlerimen de baılanystyryp, ata - ana qamqorlyǵyn sezindirý.
- Buǵyshaqtyń qandaı sózderi ákeniń qamqorlyǵyn bildiredi? (Mátinnen izdep tabý)
ata - ana balasynyń joldastary jaqsy bolǵanyn qalaıdy.
- Ertegidegi Buǵyshaqtyń ákesi onyń janyndaǵy serigin tórt ret sıpattaıdy. Osy sıpattaýlardan Buǵyshaqtyń joldasynyń eń jaqsy qasıetterin izdep, túrtip alyp, jazyp otyrý kerek. Ony toptasý syzbasyna dápterlerińe túsiresińder. Ár toptan bir oqýshy shyǵyp sıpattaý boıynsha túsindiredi. Taqtadaǵy plakatqa: 1. myqty; 2. aılaker; 3. aqyldy, saq; 4. meıirimdi degen sózder jazylady.
- Balalar, kestedegi Buǵyshaqtyń joldasynyń qasıetterine qarańdarshy. Senderge qaısysy unaıdy? (Oqýshylardyń pikirlerin tyńdaý).
1. myqty
2. aılaker, erjúrek
3. aqyldy
4. meıirimdi

Endi syzba boıynsha jumys júrgiziledi.
- Biraq, balalar, Buǵyshaq serigin qansha maqtasa da, ákesi onyń joldasynyń bir qasıetin estigenshe ǵana (.. Endi. balam, seni alańdamaı kútetin bolamyn», + dedi. Bul qandaı qasıet? Mátinnen taýyp oqyńdar.

3. Oıtolǵaý.
- Meıirimdilik - ákesi tanyǵan jaqsy minez eken. Óıtkeni meıirimdi adam únemi adamǵa janashyrlyq jasaýǵa daıyn turady. Barlyq qasıetter jaqsy ekenin ákesi de túsinedi, biraq sonyń ishinde bárinen meıirimdilik jaqsy ekenin aıtady. Al sender eń meıirimdi adam kim ekenin óte jaqsy bilesińder... Sonymen balalarǵa «Anashym, alańdama!» atty esse jazý tapsyrylady. Sabaqty osy jumys arqyly qorytyndylaý.
Oqýlyqtaǵy suraqtar men maqaldar jáne qıyn sózder boıynsha jumys jasaý.
Úı tapsyrmasy muǵalimniń qalaýy boıynsha berilip, oqýshylar bilimi baǵalanady.